«Spadziajusia, našym papiarednikam nie było b za nas soramna». Jahor Marcinovič z-za krataŭ pieradaŭ vitańni da 115-hodździa NN
Voś užo piaty miesiac hałoŭny redaktar «Našaj Nivy» Jahor Marcinovič i kiraŭnik adździeła rekłamy i markietynhu Andrej Skurko znachodziacca za kratami. U ich niama mahčymaści čytać «Našu Nivu», ale ŭ svaich listach jany pieradajuć padziaku čytačam, jakija ŭ samyja ciažkija časy zastalisia z NN, padtrymlivajuć i dasyłajuć listy našaniŭcam u SIZA.
Da 115-hodździa «Našaj Nivy» Jahor Marcinovič pieradaŭ karotkaje vitańnie:
«U 1906-m była Rasijskaja impieryja i była «Naša Niva». U 1991-m byŭ SSSR i była «Naša Niva». U 2021-m u Biełarusi — dyktatura i «Naša Niva». Jak u starym habrejskim aniekdocie. My ŭžo ŭ finale. Možna vyhnać redakcyju z terytoryi Biełarusi, ale
pakul nikomu nie ŭdałosia zabić maru pra svaju hazietu, jakaja budzie hladzieć na śviet ź biełaruskaha punktu hledžańnia.
Možna ŭziać zakładnikaŭ, ale našaniŭcy praciahvajuć sumlenna pracavać. Siońnia ŭ mianie niama mahčymaści čytać «Našu Nivu», davać parady kaleham. Ale spadziajusia, našym papiarednikam nie było b soramna za toje, što i jak my rabili».
Kali łaska, pamiatajcie pra našych kaleh, jakija da apošniaha dnia na svabodzie rabili ŭsio mahčymaje, kab biełarusy mahli čytać praŭdzivyja naviny pra Biełaruś i śviet.
Dašlicie list, paštoŭku ci telehramu našaniŭcam, pavinšujcie ich sa 115-hodździem NN!
Adras dla listavańnia:
220030, h. Minsk, vuł. Vaładarskaha, 2. SIZA №1
Marcinovič Jahor Alaksandravič
Skurko Andrej Hienadzievič
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary