Biełahraprambank dazvoliŭ zdymać hrošy ŭ svaich bankamatach biez kartak
U pres-słužbie Biełahraprambanka paviedamili, što ciapier, kab źniać najaŭnyja ŭ bankamacie z kartki Biełkart, samu kartku mieć pry sabie nie abaviazkova. Dastatkova smartfona na «Android» (abo Harmony OS) z padtrymkaj NFC i ŭstalavanaj na im prahramaj Biełkart Pay.
Kali vam treba źniać hrošy ŭ bankamacie (z padtrymkaj bieskantaktnych płaciažoŭ, nakont čaho na bankamacie maje być śpiecyjalny značok), to možna padnieści da sčytvalnaj pryłady smartfon i paćvierdzić apieracyju ŭvodam PIN-koda bankaŭskaj kartki. Takim ža čynam možna pahladzieć i bałans rachunku.
U banku adznačyli, što za pieraličanyja vyšej apieracyi bankam moža spahaniacca kamisija.
Kamientary