«Ukraincy kazali ŭ 1990-ja: budzie vajna z Maskvoj». Kabančuk raskazaŭ, jak biełarusy prachodzili vyškał u łahiery Dźmitryja Jaraša na Haliččynie
Namieśnik kamandzira Pałka Kalinoŭskaha Vadzim Kabančuk raskazaŭ u novym vypusku «Toka» pra svaju dziejnaść i pohlady ŭ 1990-ja.
«Ja zrazumieŭ: kab zmahacca z hetaj sistemaj, treba budavać svaju sistemu. Dla hetaha patrebnaja arhanizacyja. I ja pajšoŭ u tuju, jakaja była dla mianie blizkaja ŭ toj čas. My ŭvajšli ŭ spartovuju kamisiju «Maładoha fronta». Tam my treniravalisia ŭ zale… — usio, što źviazana ź letnikami i sportam.
U nas byŭ navat vyjezd va Ukrainu ŭ 1997-m. My praviali dzion 20 na Haličynie. Heta potym mocna paŭpłyvała na moj los. Ja paznajomiŭsia ŭ 1997-m hodzie ź Dźmitryjem Jarašam. Jaho arhanizacyja pravodziła tady hety letnik.
Pa maim zaprašeńni Jaraš niekalki razoŭ pryjazdžaŭ u Biełaruś, haściavaŭ u nas. U nas byli roznyja płany i roznyja supolnyja dziejańni — pieravažna va Ukrainie.
My pryjazdžali potym jašče da ich na vyškał, dasyłali chłopcaŭ — kali stali dziejničać jak arhanizacyja «Kraj». Jany nam dali šmat što ŭ płanie arhanizacyi — jak budavać sistemu padrychtoŭki moładzi, tak i zarad patryjatyzmu.
I samaje hałoŭnaje — jany z taho času rychtavalisia da vajny z Maskvoj. Jany kazali: chłopcy, budzie vajna. My da hetaha rychtujemsia.
Va ŭkraincaŭ my pieraniali toje, jak jany pravodzili svaje vuličnyja akcyi. Jak jany mahli trymać hrupavy boj. «Boj» u sensie supraćstajańnie z palicejskimi, ź Bierkutam».
Jak vadziŭ za nos KDB, rasśledavaŭ spravu źnikłych palitykaŭ i arhanizoŭvaŭ padpolle. Novy TOK z Vadzimam Kabančukom
«Źmianšeńnie padtrymki biełaruskich dobraachvotnikaŭ va Ukrainie — heta ŭ tym liku i cana, jakaja płacicca za palityčnyja ambicyi niekatorych ludziej»
«Pryjdzie dzień — i ad Łukašenki pabiahuć». Kiraŭniki Pałka Kalinoŭskaha sustrelisia ź biełarusami Vilni
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać13
Kamientary
Samaje śmiešnaje, što kali ŭ 2022 hodzie pačałasia poŭnamaštabnaja rasijska-ukrainskaja vajna (jakaja ciahniecca z 2014), mnohija farmalna biełaruskija kanały, jakija da i paśla taho pra Paźniaka pisali tolki drennaje, raptoŭna zhadali pra jaho papiaredžańni z 90-ch, bo niekaha było pakazać jaje prykład ćviarozaha razumieńnia rasiejskaj pahrozy jašče tady.