Isus Chrystos z Žytomira akazaŭsia praŭnukam načalnika viciebskaha NKVD
Pra heta ŭdałosia daviedacca dziakujučy danosu ŭ KDB.
U sakaviku 2017 hoda Kamitet dziaržbiaśpieki RB atrymaŭ paviedamleńnie ad Uładzimira Radziuka z Žytomira.
U im mužčyna napisaŭ pra toje, što z Ukrainy ŭ Biełaruś tajemna pierakidvajucca «členy fašysckaj terarystyčnaj arhanizacyi «Tryzub — UNA — UNSO» dla viadzieńnia padryŭnoj dziejnaści suprać ułady Biełarusi i padryvu aŭtaryteta prezidenta». Radziuka ŭ zvarocie chvalavała, što ŭ Biełarusi zrobiać tak, «jak na Ukrainie», a samo paviedamleńnie jon nazvaŭ svaim doŭham pierad druhoj radzimaj, bo jahony dzied Alaksandr Radziuk kiravaŭ milicyjaj Viciebskaj vobłaści.
Uładzimir Radziuk — viadomy piersanaž va Ukrainie. Jon nazyvaje siabie śviatarom i zasnavaŭ ułasnuju «Adzinuju carkvu Chrysta».
U 2002 hodzie jon nazvaŭ svajho syna Isusam Chrystom. Heta vyklikała skandał, bo chłopčyka ź niezvyčajnym imieniem nie chacieli rehistravać. Spravu daviałosia vyrašać na ŭzroŭni vyšejšaha kiraŭnictva cerkvaŭ i tahačasnaha prezidenta Ukrainy Leanida Kučmy.
U vyniku Isusa Chrysta Uładzimiraviča Radziuka zarehistravali. Siońnia jamu 21 hod.
Što tyčycca jahonaha pradzieda Alaksandra Radziuka, to jon z 1940 pa 1945 hod byŭ kiraŭnikom viciebskaj milicyi, a padčas vajny kamandavaŭ karnym milicejskim pałkom.
Jon pamior u 1952 hodzie ŭ Pinsku, tam i pachavany.
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać9
Kamientary