Były palitviazień raskazaŭ pra ciažki stan zdaroŭja Alaksandra Fiaduty
Były palitviazień Alaksiej Kirejeŭ raskazaŭ «Radyjo Svabodzie», što Alaksandr Fiaduta pachudzieŭ za kratami na 30 kiłahramaŭ.
U kałonii №15, adkul minułym miesiacam vyzvaliŭsia Kirejeŭ, siadzić Alaksandr Fiaduta. Viadomaha litaraturaznaŭcu i palitołaha asudzili na 10 hadoŭ nibyta za «zmovu z metaj zachopu ŭłady».
Pavodle słoŭ Alaksieja Kirejeva, źniavolenym zabaroniena kantaktavać ź Fiadutam, tamu bolšaść času jon «siadzić u kuryłcy adzin».
«Tam usie viedajuć: chto ź im zahavoryć, taho adpraviać u ŠIZA», — havoryć Alaksiej Kirejeŭ. Adnak jamu ŭsio ž udavałasia «pierakinucca niekalkimi słovami» ź Fiadutam, bo abodva apynulisia ŭ padobnych umovach praz stan zdaroŭja.
«Na Vialikdzień, kali ja siadzieŭ u ŠIZA, u mianie zdaryŭsia insult, źnik zrok na adnym voku — adarvaŭsia sasudzik. Tamu mianie na «promku» ŭžo nie brali, siadzieŭ u atradzie. I Alaksandr Fiaduta, jak u jaho paharšaŭsia stan zdaroŭja, taksama zastavaŭsia ŭ atradzie. Voś tady i ŭdavałasia krychu pahavaryć, choć i chavajučysia. Pra siabie jon kazaŭ koratka: «Ciažka, ale trymajusia, zmahajusia».
Alaksiej śćviardžaje, što ciažki stan zdaroŭja Fiaduty vidać i pa im.
«Viedaju, što ŭ jaho cisk, serca. Raniej naziraŭ, jak ranicaj, kali ŭsie vyjšli na pracu, jamu raptam stanaviłasia błaha, chapaŭsia za aharodžu, kab nie ŭpaści. Potym jaho viali ŭ miedčastku, na try dni davali vyzvaleńnie ad pracy, na «promcy» jaho nie było.
Ale ŭ inšyja dni jon musić pracavać — padmiataje ŭ cechu paśla taho, jak raboty zakončacca. Vidać, što stamlajecca, jamu ciažka. Sam kazaŭ, što schudnieŭ na 30 kiłahramaŭ. Dyk heta vidać — skura na im visić».
Kirejeŭ raskazaŭ pra ŭmovy, u jakich znachodzicca Alaksandr Fiaduta.
«Toje ž, što va ŭsich. Viedaju, što atrymlivaje pieradačy, jość zvanki, karotkija spatkańni. Sioleta lažaŭ u špitali ŭ Kaladzičach. Časta vyklikajuć na razmovy. Ale vonkava — trymajecca», — padsumavaŭ svoj raspovied pra Alaksandra Fiadutu Alaksiej.
-
Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ
-
Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz
-
Prapahandyst ANT pachvaliŭsia, jak razhavaryŭ dla svajho filma biełarusaŭ zamiežža. Nasamreč jon navat nie razmaŭlaŭ ź imi
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać13
Kamientary