Kachańnie i seks3131

«Usie žančyny marać pra haściavy šlub». Prybiralščyca ź Minska bačycca z mužam tolki na vychodnych i ličyć hetu schiemu idealnaj

Biełaruska Natalla ŭžo čatyry hady žyvie sa svaim mužčynam u farmacie haściavoha šlubu — u svaim tyktoku jana ščyra dzielicca plusami takoha vidu stasunkaŭ, jakija ni za što nie chacieła b pramianiać na kłasičny scenar štodzionnaha žyćcia pad adnym dacham.

Natalla sa stalicy, a jaje kachany — z Babrujska. I adna z pryčyn, pa jakoj jany pajšli mienavita na haściavy šlub — toje, što žančyna nie zachacieła pierajazdžać sa stalicy da muža.

«Heta byŭ moj vybar — jeździć da muža i nazad za ŭłasnyja hrošy kožnyja vychodnyja, — tłumačyć Natalla. — I ja ŭdziačnaja svajmu mužčynu, što jon hety vybar padtrymaŭ».

Natalla z mužam adrazu paśla rośpisu. Tvar mužčyny jana nie pakazvaje ŭ svaim tyktoku pa jaho prośbie. Darečy, paznajomiłasia para akurat u hetaj sacyjalnaj sietcy: budučy muž napisaŭ błohiercy padčas adnaho sa strymaŭ. Skrynšoty: tyktok @natali___bel

U Natalli — dźvie dački ad papiaredniaha šlubu, adna ź ich niepaŭnaletniaja. Žančyna raskazała, što dla jaje pierajezd u novy horad i novaja škoła stali b stresam. Akramia taho, sama Natalla lubić svaju ciapierašniuju pracu, jakaja daje joj dosyć svabodny hrafik: jana — prybiralščyca.

Watch on TikTok

U haściavym šlubie Natalla znachodzić sucelnyja plusy. Bolš za toje, padčas adpačynku dva razy na hod jany žyvuć «jak zvyčajnaja siamja», baviačy čas razam ciaham niekalkich tydniaŭ, i heta jaje vymotvaje — chočacca znoŭ u Minsk, z hrafikam sustreč na vychodnych.

«Dla nas hetaje rašeńnie idealnaje», — adznačaje błohierka.

Natalla ŭpeŭnienaja, što joj zajzdrościć vielmi šmat žančyn:

«Moj muž pa vychodnych vodzić mianie na spatkańni i doryć mnie kvietki, niahledziačy na toje, što my žanatyja. A ŭsio tamu, što my žyviom u haściavym šlubie. Nasamreč usie žančyny marać pra haściavy šlub, ale ich mužyki suprać, tamu što chočuć, kab žonki stvarali ŭtulnaść i vychoŭvali dziaciej, pakul jany buduć lažać na kanapie kala televizara ci z telefonam.

Watch on TikTok

Pierad viartańniem u Minsk Natalla namahajecca pryhatavać mužu ježy na piać dzion napierad. Jon, u svaju čarhu, časam taksama pryjazdžaje ŭ stalicu da partniorki. U adnym z rolikaŭ žančyna padzialiłasia, kolki hrošaj muž vydatkavaŭ za dzień-spatkańnie ź joj: 175 rubloŭ za kvietki, pachody ŭ kino, muziej i kafe.

Skrynšot: tyktok @natali___bel

Roliki žančyny źbirajuć šmat prahladaŭ i kamientaroŭ. Nie ŭsie razumiejuć vybar sužencaŭ i navat jaho krytykujuć.

«Z mužam žyvuć, a nie pa vychodnych katajucca»; «Dy vy raźviadzieciesia chutka, vam nadakučać hetyja pajezdki»; «U budni da muža buduć prychodzić inšyja «hości», vy dla jaho vielmi zručnaja», — pišuć niekatoryja kamientatary.

Ale Natalla ź imi kateharyčna niazhodnaja: jana znachodzić takoje rašeńnie dla siemjaŭ idealnym. Niekatoryja žančyny ź joj salidarnyja:

«Heta supier! Idealny šlub», «Možna być ščaślivymi, i tak nikoli nie nadakučyš adno adnamu», «Ja na vas hladžu i razumieju, što paśla saraka heta najlepšaje, ja sama saśpieła dla haściavych adnosin».

Kamientary31

  • Oj
    24.01.2025
    Nu i živitie siebie kak chotitie, no niet nado chajpanuť v tik tokie
  • Sposab 54
    24.01.2025
    Jak zamaskiravać niaŭdałaje zamužža pad cukierku "Załaty klučyk". Jeści nielha, ale susiedziam papsuje zuby.
  • Josik
    24.01.2025
    Kožny sam abiraje, jak žyć. Nikoha nie zabivajuć, nie rabujuć, nie ździekvajucca, nikomu nie pieraškadžajuć, nu i dobra. Nie treba svajo žyćcio vyvalivać u internet, jak toje śmiećcie.

Ciapier čytajuć

«Prapahanda, jak u Paŭnočnaj Karei». Palaki nie vierać vybaru tavaraŭ u babrujskim «Hrynie»2

«Prapahanda, jak u Paŭnočnaj Karei». Palaki nie vierać vybaru tavaraŭ u babrujskim «Hrynie»

Usie naviny →
Usie naviny

Hrupa zachopu z hieorhijeŭskimi stužkami zatrymała navapałačanina, jakoha padazrajuć va ŭchileńni ad padatkaŭ3

Forbes nazvaŭ najlepšym skanier dakumientaŭ ad biełarusa2

U Kijevie fatohraf paśla fotasiesii zadušyŭ madel. Abodva akazalisia hramadzianami Rasii6

Biełaruski paet Siarhiej Pryłucki pajšoŭ vajavać za Ukrainu14

U Kijevie pachavali 17-hadovaha Daniiła Chudzi i jaho baćkoŭ. Niekalki dzion tamu ich zabiła rasijskaja rakieta

U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot

Źnikły na vajnie sieryjny rabaŭnik ź Biełarusi znajšoŭsia va ŭkrainskim pałonie

«Biełpoł» patłumačyŭ, z čym mohuć być źviazanyja pravierki na miažy Biełarusi i Rasii3

Praz dva tydni ŭ Minsku pačnuć adklučać haračuju vadu. Hladzicie adrasy

bolš čytanych navin
bolš łajkanych navin

«Prapahanda, jak u Paŭnočnaj Karei». Palaki nie vierać vybaru tavaraŭ u babrujskim «Hrynie»2

«Prapahanda, jak u Paŭnočnaj Karei». Palaki nie vierać vybaru tavaraŭ u babrujskim «Hrynie»

Hałoŭnaje
Usie naviny →

Zaŭvaha:

 

 

 

 

Zakryć Paviedamić