Z-za adsutnaści podpisu Vienhryi Jeŭrasajuz nie zmoh apublikavać sumiesnuju zajavu 27 svaich členaŭ.
Pradstaŭniki Vienhryi zabłakavali sumiesnuju zajavu krain Jeŭrasajuza ab niepryznańni vynikaŭ vybaraŭ u Biełarusi, paviedamiła Radyjo Svaboda sa spasyłkaj na krynicy ŭ Brusieli.
Z-za adsutnaści podpisu Vienhryi ES nie zmoh apublikavać sumiesnuju zajavu 27 svaich členaŭ. Zamiest hetaha viarchoŭny pradstaŭnik Jeŭrasajuza pa zamiežnych spravach i palitycy biaśpieki Kaja Kałas i jeŭrakamisar pa palitycy dobrasusiedstva i pašyreńnia Marta Kos apublikavali svaju zajavu.
U dakumiencie, u pryvatnaści, padkreślivałasia, što vybary 26 studzienia nie źjaŭlalisia «ni svabodnymi, ni spraviadlivymi», a biełaruski narod «zasłuhoŭvaje realnaha hołasu ŭ pytańni ab tym, chto budzie kiravać jaho krainaj».
«Biaźlitasnaje padaŭleńnie pravoŭ čałavieka, abmiežavańni palityčnaha ŭdziełu i dostupu da niezaležnych ŚMI ŭ Biełarusi pazbavili vybarčy praces usiakaj lehitymnaści», — zajavili Kałas i Kos.
Jany padkreślili, što Brusiel praciahnie nakładvać abmiežavańni na biełaruski režym, «adnačasova akazvajučy finansavuju padtrymku hramadzianskaj supolnaści, biełaruskim demakratyčnym siłam u vyhnańni i biełaruskaj kultury».
Łukašenku napisali 86,82%. CVK ahučyŭ papiarednija vyniki hałasavańnia
«Prahałasavaŭ, bo na pracy pužali». Biełarusy pra toje, jak schadzili na vybary
Kubrakoŭ pachvaliŭsia, što takich spakojnych vybaraŭ nikoli nie było
MZS Hiermanii pra vybary ŭ Biełarusi: Heta sumny dzień dla ŭsich tych, chto prahnie svabody i demakratyi
Akcyi suprać pryznańnia vybaraŭ Łukašenki prajšli ŭ roznych krainach
Ciapier čytajuć
Amierykancy dabilisia vyzvaleńnia Juryja Ziankoviča. Jon byŭ prysudžany da 13,5 hoda źniavoleńnia18
Kamientary