Ad lehalnaha biznesu da realnych turemnych terminaŭ.
Niadaŭna va Ušačach nakryli «pornastudyju». 18-hadovaj dziaŭčynie, jakaja zdymała roliki, pahražaje da 4 hadoŭ pazbaŭleńnia voli. Pahladzieli, jak staviacca da vyrabu filmaŭ dla darosłych u inšych krainach.
Možna tolki hladzieć
Biełaruskaje zakanadaŭstva stavicca da parnahrafii stroha. Za raspaŭsiud abo rekłamavańnie parnahrafičnych materyjałaŭ (abo pradmietaŭ parnahrafičnaha charaktaru) praduhledžana administracyjnaja adkaznaść. Taksama adkaznaść nastupić za sam fakt zachoŭvańnia takich materyjałaŭ z metaj ich raspaŭsiudu abo rekłamavańnia.
Adzinaje, što nie zabaroniena, — heta prahlad i zachoŭvańnie dla asabistaha vykarystańnia. Zhodna z zakanadaŭstvam, prahladać porna, nie parušajučy zakonu, možna tolki ŭ adzinocie, bo demanstracyja padobnych materyjałaŭ inšym farmalna-jurydyčna padpadaje pad raspaŭsiud. Atrymać pakarańnie za raspaŭsiud možna jak za repost u sacsietkach, tak i za pierasyłku ŭ pryvatnaj pierapiscy.
Kudy bolš strohaje pakarańnie praduhledžana za vyrab takoj pradukcyi. Za vyrab i raspaŭsiud porna ŭ Biełarusi možna atrymać realny termin. Druhaja častka artykuła 343 praduhledžvaje pakarańnie ŭ vyhladzie abmiežavańnia voli na termin ad dvuch da čatyroch hadoŭ abo pazbaŭleńnia voli na toj ža termin. Pa hetym artykule buduć sudzić dziaŭčynu z Ušačaŭ.
Takim čynam, pornaindustryja ŭ Biełarusi znachodzicca całkam pa-za zakonam.
Inšy padychod
Adnak u Jeŭropie jość šerah krain, dzie vyrab parnahrafii nie tolki nie zabaronieny, ale i źjaŭlajecca cełaj industryjaj.
Naprykład, u Vienhryi i Čechii. U hetych krainach porna (za vyklučeńniem dziciačaha, viadoma) całkam lehalizavana. Budapiešt i Praha spaborničajuć pamiž saboj za zvańnie pornastalicy Jeŭropy. Industryja kino dla darosłych u hetych krainach nastolki raźvitaja, što časam jaje dola dasiahaje 1% ad VUP.
U Prazie znachodzicca hałoŭny ofis veb-partała dla darosłych — Xvideos. Taksama ŭ češskaj stalicy jość pradstaŭnictva Pornhub i Beeg. U stalicach Vienhryi i Čechii štohod adbyvajecca šerah mierapryjemstvaŭ, pryśviečanych pornaindustryi.
A što ŭ susiednich krainach?
U Polščy porna lehalnaje, za vyklučeńniem vytvorčaści i zachoŭvańnia parnahrafičnych materyjałaŭ, jakija źmiaščajuć niepaŭnaletnich i sceny zhvałtavańnia. Pry hetym u Polščy praduhledžana adkaznaść za demanstracyju parnahrafičnych materyjałaŭ asobie, jakaja hetaha nie choča. Takoje parušeńnie karajecca štrafam, abmiežavańniem voli abo pazbaŭleńniem voli na termin da 2 hadoŭ.
U Rasii vyrab, raspaŭsiud i ŭvoz parnahrafičnych materyjałaŭ zabaronieny. Najbolš strohaje pakarańnie praduhledžana za vytvorčaść dziciačaha porna. Za jaho vyrab mohuć pasadzić na termin ad dvuch da vaśmi hadoŭ.
Va Ukrainie vytvorčaść i raspaŭsiud porna taksama pad zabaronaj. Cikava, što ŭžo padčas vajny tam źjaviłasia pietycyja ab lehalizacyi porna.
Čytajcie taksama:
Mužčyny-biełarusy nazvali čatyry pamyłki žančyn, jakija paralizujuć ich u łožku
«U turmie, na žal, ciabie chvaluje, ci masturbavaŭ inšy čałaviek». Były palitviazień raspavioŭ pra intym u źniavoleńni
-
Natalla Cylinskaja: Zamužam ja była čatyry razy. My stvorany, kab nas nasili na rukach, kali krychu bujniejšaja — paklič siabra
-
Eks-zorka zbornaj Hiermanii kinuŭ viadomuju tenisistku. Jon zdradziŭ joj z televiadučaj
-
Sotni tysiač biełarusaŭ sačyli za chłopcam, jakomu dziaŭčyna dapamahała adnaŭlacca paśla strašnaj avaryi. Jany razyšlisia
Kamientary