Ryhor Kastusioŭ u vieršavanych radkach pakinuŭ testamient na vypadak śmierci ŭ turmie
17 krasavika byłomu staršyni Partyi BNF Ryhoru Kastusiovu spoŭniłasia 67 hadoŭ. Užo čaćvierty dzień naradžeńnia asudžany na 10 hadoŭ palitviazień sustrakaje za kratami.
Aryštavali jaho try hady tamu, u Dzień kasmanaŭtyki 12 krasavika. U listach svajakam palitviazień časta zhadvaje hetaje supadzieńnie, nie abminuŭ jon uvahaj sumnuju dla siabie padzieju i ŭ niadaŭnim pasłańni, piša Radyjo Svaboda.
«Chutka budzie try hady z taho dnia kasmanaŭtyki… Try hady. Za hety čas pastareŭ na try hady i ŭsie nie mahu pryvyknuć da hetaj pary da svajho vyhladu, kali hladžusia ŭ lusterka. Nie mahu ŭśviadomić, što zdaryłasia ŭ płanie zdaroŭja».
U źniavoleńni, jašče ŭ SIZA na vulicy Vaładarskaha, Ryhor Kastusioŭ zachvareŭ na ankałohiju. Niekalki razoŭ jamu ładzili abśledavańni, pryznačali lačeńnie, ale ablahčeńnia ŭmovaŭ utrymańnia palityk nie dačakaŭsia.
Z PK-22 u Ivacevičach, dzie adbyvaŭ pakarańnie Kastusioŭ, u pačatku hetaha hoda jaho pieraviali ŭ krytuju turmu Hrodna.
U pačatku krasavika svajakam palitviaźnia stała viadoma, što jamu zrabili apieracyju — vyvieli kateter z mačavoha puchita. Pavodle ziacia palityka Dźmitryja Antončyka, apieracyja źniała niebiaśpieku razryvu puchira, ale ŭskładniła znachodžańnie ŭ viaźnicy.
«Adrazu paśla apieracyi Ryhora Kastusiova viarnuli ŭ kamieru», — raskazaŭ jahony ziać. U apošnich listach ź niavoli Ryhor Kastusioŭ napisaŭ pra stan zdaroŭja.
«Jamu rabili analiz kryvi, dyk pakaźniki drennyja: u dva razy pavyšany białok u kryvi. Pavialičanyja limfavuzły. Taksama turbuje varykoz na nahach. Ale jon nie lubić pra heta šmat paviedamlać i dumać. Zatoje praciahvaje pisać vieršy. Voś prysłaŭ vierš, pryśviečany svajoj rodnaj vioscy Ciachcin u Białynickim rajonie», — padzialiŭsia Dźmitryj Antončyk i pracytavaŭ vierš Kastusiova, jaki toj prysłaŭ z turmy.
Nie zabyvaju tych miaścin,
Što mnie dajuć natchnieńnie, siły,
Pad redkaj nazvaju Ciachcin,
Ad naradžeńnia rodny, miły…
U apošnich radkach vierša Ryhor Kastusioŭ faktyčna pakidaje testamient na vypadak śmierci ŭ viaźnicy.
…Pad šery kamień. Tolki toj,
Što ŭziaty z rodnych mnie miaścinaŭ.
I nievialikaju plitoj,
Dzie bačna, chto kaho pakinuŭ.
12 krasavika 2021 hoda Ryhora Kastusiova zatrymali supracoŭniki KDB u jaho doma ŭ Škłovie, a taksama Alaksandra Fiadutu i Juryja Ziankoviča, zatym ich abvinavacili ŭ sprobie zmovu nakont pieravarotu ŭ Biełarusi. U vieraśni 2022 hoda sud pryznaŭ Kastusiova vinavatym u «zmovie z metaj zachopu ŭłady» i asudziŭ na 10 hadoŭ. Biełaruskija pravaabaroncy pryznali Ryhora Kastusiova palityčnym viaźniem.
«Pražyć 6 hadoŭ vyhladaje składanaj zadačaj». Ryhor Kastusioŭ dasłaŭ list z-za krataŭ
«Kali vypadkova natrapić na lusterka, nie moža pavieryć, što jaho daviało da takoha stanu» — ziać pra źniavolenaha Ryhora Kastusiova
Ryhoru Kastusiovu ŭ turmie zrabili apieracyju
U Ryhora Kastusiova sa zdaroŭjem usio kiepska
Adsutnaść nyrki, puchlina ŭ hałavie, rak. Chto ź biełaruskich palitviaźniaŭ maje za kratami vialikija prablemy sa zdaroŭjem
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary