Muzyka Arakielan znajšoŭ u źlitym śpisie listoŭ u KDB danos na siabie. Jon naležyć viadomaj asobie
Džazavy muzykant Pavieł Arakielan, jaki z 2022 hoda žyvie ŭ emihracyi, adšukaŭ u apublikavanaj «Kibierpartyzanami» bazie z 40 tysiač zvarotaŭ, dasłanych na sajt KDB, danos na samoha siabie. Hety danos naležyć viadomamu ŭ Biełarusi arhanizataru džazavych mierapryjemstvaŭ, piša Arakielan u fejsbuku.
«Jak vy viedajecie, niadaŭna ŭ siecivie była apubličanaja baza danosčykaŭ, jakija pisali ŭ KDB. Dyk voś, ja taksama chaču apubličyć adnoha z takich ludziej — arhanizatara džazavych imprez Jaŭhiena Uładzimirava. Šmat chto viedaje jaho jak niesumlennaha čałavieka, ale praciahvajuć chadzić na jaho kancerty, dy i šmat kalehaŭ praciahvajuć hrać ź im. Naviedvać dalej imprezy «Džaz-Saŭnd Kłab», supracoŭničać z Uładzimiravym asabista — vašaja sprava. A ja pryvodžu tekst jahonaj skarhi nižej, jak było spampavana z bazy KDB», — piša Arakielan.
Źmiest danosu Jaŭhiena Uładzimirava, jaki datujecca 18 kastryčnika 2020 hoda, nastupny:
«Prašu terminova pryniać zakonnyja miery. Hr-n Arakielan Pavieł metanakiravana zaklikaje 26 kastryčnika da ahulnanacyjanalnaj zabastoŭki, asabista dapaŭniajučy złačynny płan KR i Cichanoŭskaj. Ja daŭno saču za hetym iłžedziejačam kultury, tak zvanym džazavym saksafanistam. Niezrazumieła, jak Biełdziaržfiłarmonija mahła arhanizavać na dziaržaŭnaj scenie kancerty Arakielana?! Padryŭnaja pravakacyjnaja dziejnaść Arakielana ŭ sacsietkach i štoviečarovyja vystupleńni ŭ haradskich dvarach z metaj dyskredytacyi ŭłady i režymu złačynnyja!»
«Moj post — heta bolš papiaredžańnie kaleham, jakija zastalisia ŭ Biełarusi», — piša Arakielan u kamientarach da dopisu.
Kandydata ŭ Kaardynacyjnuju radu ad «Narodnaj Hramady» vykinuli sa śpisu, bo jon danosčyk. Stukaŭ na Aŭtuchoviča
«Usich ja ŭ rot **aŭ, i maral vašu taksama». Rasijanie raskazali, navošta pisali danosy ŭ biełaruski KDB
U 2020-m muž schłusiŭ KDB, što žonka ŭdzielničaje ŭ mitynhach, tamu što «siamja razvalvałasia»
«Ja nie danosiŭ, my ž siabrujem». Jak apraŭdvajucca vykrytyja stukačy
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary