Para z Hrodna pabrałasia šlubam praz 20 hadoŭ paśla razvodu
Jany pabralisia šlubam u Dzień zakachanych — 14 lutaha.
Ramantyčnaj historyjaj, u jakoj było ŭsio — i kachańnie, i doŭhaja razłuka, i ščaślivaja vypadkovaja sustreča — padzialiŭsia čytač Newgrodno.by Alaksandr.
«Zdajecca, što heta mahło b stać scenarom filma, ale ŭsio heta — realnaje žyćcio. U joj zaŭsiody jość miesca dla samych nievierahodnych i cudoŭnych padziej», — uśmichajecca mužčyna.
Alaksandr ros u Hrodnie. U 16 hadoŭ chłopiec sustreŭ svaju pieršuju luboŭ — dziaŭčynu Irynu. Pačućci akazalisia ŭzajemnymi. Maładyja ludzi vučylisia razam, potym pastupili ŭ adzin univiersitet, a zatym zhulali viasielle. Tady im było ŭsiaho pa 19 hadoŭ.
«U žyćci zdarajecca roznaje. Nam daviałosia raźvieścisia. A potym los raźnios nas pa roznych krainach», — pryhadvajuć byłyja zakachanyja.
Paśla razvodu jany nie padtrymlivali suviaź bolš za 20 hadoŭ. Ale ŭsio źmianiŭ adzin vypadkovy zvanok.
«Ja tady byŭ u ciažkim maralnym stanie. Prosta treba było z kimści pahavaryć. I raptam — azareńnie — Iryna. Ale ŭ mianie navat nie było jaje numara. Daviałosia źviarnucca da našych ahulnych znajomych», — raskazvaje Alaksandr.
Iryna zvanku ździviłasia. Ale słuchaŭku nie pakłała. Adna razmova, druhaja… A potym sustreča.
«I voś 14 lutaha 2025 hoda, u Dzień usich zakachanych, my znoŭ ažanilisia», — uśmichajecca Alaksandr.
Maładyja poŭnyja aptymizmu. Žyć płanujuć u Hrodnie: buduć znoŭ budavać svajo siamiejnaje ščaście.
-
Natalla Cylinskaja: Zamužam ja była čatyry razy. My stvorany, kab nas nasili na rukach, kali krychu bujniejšaja — paklič siabra
-
Eks-zorka zbornaj Hiermanii kinuŭ viadomuju tenisistku. Jon zdradziŭ joj z televiadučaj
-
Sotni tysiač biełarusaŭ sačyli za chłopcam, jakomu dziaŭčyna dapamahała adnaŭlacca paśla strašnaj avaryi. Jany razyšlisia
Kamientary