«Prabačcie, biełarusy!» Žycharka Słucka ŭziała na siabie adkaznaść za krasavickija śniehapady
U tyktoku napieraboj ludzi biaruć na siabie vinu za raptoŭny viasieńni śnieh. A pačała sa šmatlikimi padabajkami i repostami žycharka Słucka.
Biełaruska ŭ tyktoku ŭziała na siabie ŭsiu adkaznaść za chałodnaje i śniežnaje krasavickaje nadvorje, jakoje pakul nie choča źmianiacca viasnovym ciapłom, zaŭvažyŭ Telegraf.news.
U svaim karotkim virusnym videa karystalnica kate.hammer paprasiła prabačeńnia ŭ suajčyńnikaŭ, rastłumačyŭšy, što anamalija zdaryłasia vyklučna z-za taho, što jana da hetaha času, u krasaviku, nie prybrała navahodniuju jołku.
Rolik, jaki zalacieŭ amal na 200 000 prahladaŭ i prademanstravaŭ siurrealistyčnuju dla krasavika karcinu. U pakoi aŭtara staić prybranaja navahodniaja jełka, a adrazu za aknom — sapraŭdny zimovy piejzaž z drevami, zachutanymi hustym śnieham.
«Prabačcie mianie, kali łaska. Biełarusy, heta ŭsio z-za mianie, — z charakternaj intanacyjaj hrešnika, jaki kajecca, paviedamlaje hołas za kadram. — Heta ŭ mianie ŭ krasaviku jołka staić… I voś heta voś usio praź mianie. Sory».
Iraničnaje «pryznańnie viny» i «prabačeńnie» čakana znajšli samy žyvy vodhuk u inšych biełarusaŭ u kamientarach. Ludzi tut ža padchapili žart, prynialisia napieraboj brać vinu na siabie ci prapanoŭvać radykalnyja sposaby baraćby z «pieršapryčynaj» śniežnaha krasavika.
Mnohija vyrašyli padzialić «adkaznaść»:
«Nie. Heta ja da leta nie schudnieła! Kolki ž nas sumlennych!»
«Nie chvalujciesia, heta ja maraziłku nie prykryŭ».
«A ja dumaŭ, što heta z-za mianie, ja chaładzilnik saviecki začynić zabyŭsia».
«Nie, heta ja vinavataja, u mianie ŭčora adpačynak pačaŭsia».
Znajšlisia i pramyja «paciarpiełyja»: «Z-za vas ja nie schadziŭ siońnia na rybałku. A-a-a-a-a-a».
Niechta ździviŭsia niedaśviedčanaści aŭtara pra inšyja «anamalii»: «Vy što, u TikTok pieršy dzień? Niaŭžo vy nie bačyli, što šmat chto ŭ studzieni ŭžo bulbu pasadziŭ?»
-
U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot
-
«Abo toŭstyja pisali, abo ź dziećmi». Fanat Łukašenki Žan Sodziel nie zmoh znajści žonku i aburajecca, što «dziaŭčaty pajšli nie tyja»
-
Kryścinie Arbakajcie zabaranili ŭjezd u Łatviju praz pahrozu nacyjanalnaj biaśpiecy
Amierykancy dabilisia vyzvaleńnia Juryja Ziankoviča. Jon byŭ prysudžany da 13,5 hoda źniavoleńnia18
Kamientary