Hramadstva88

U Vilni na Dzień Voli ŭźniali bieł-čyrvona-bieły ściah

Kala budynka litoŭskaha Siejma 25 sakavika prajšła cyrymonija ŭźniaćcia biełaruskaha nacyjanalnaha ściaha. U cyrymonii adznačeńnia hadaviny padziei ŭziali ŭdzieł kala 100 čałaviek, u tym liku Śviatłana Cichanoŭskaja, pradstaŭniki jaje ofisa, litoŭskija deputaty, u tym liku pieršy vice-śpikier Siejmu Juozas Alekas, zamiežnyja dypłamaty, pradstaŭniki biełaruskaj dyjaspary, piša Radyjo Svaboda.

Fota: Radyjo Svaboda

Prahučaŭ biełaruski himn «My vyjdziem ščylnymi radami», chvilinaj maŭčańnia prysutnyja ŭšanavali pamiać tych, chto zahinuŭ za niezaležnaść Biełarusi.

Śviatłana Cichanoŭskaja na mitynhu skazała, što vielmi hanarycca bieł-čyrvona-biełym ściaham, jaki staŭ simvałam niezaležnaści i niaskoranaści biełarusaŭ. Jana ŭzhadała, jak 107 hadoŭ tamu była abvieščana niezaležnaść Biełarusi ŭ Minsku, i tady ž aficyjna źjaviŭsia jaje ściah, ź jakim doŭha zmahalisia «stalinisty i inšyja vorahi biełaruščyny».

— Ale biełarusy jaho znoŭ i znoŭ vynosili na vulicy. Ja z honaram hladžu na hety ściah. I vieru, što pakul łunaje hety ściah, pakul jość biełaruskaja mova, pakul jość našy sajuźniki — takija, jak Litva i inšyja krainy Eŭropy, nia źniknie viera, što Biełaruś jak niezaležnaja kraina adnovicca. My projdziem uvieś šlach da svabody, adrodzim našu prynaležnaść da Jeŭropy, da jakoj histaryčna naležym, — skazała jana.

Vystupajučy z trybuny Siejma Litvy, Śviatłana Cichanoŭskaja nahadała, što Litva adnoj ź pieršych pryznała niezaležnaść BNR u 1918 hodzie, paźniej pryniała pieršy ŭrad u vyhnańni, a ŭ studzieni 1991-ha ŭžo biełarusy razam ź litoŭcami baranili svabodu kala parłamienta i televiežy ŭ Vilni.

— Biełarusy i litoŭcy razam udzielničali ŭ vyzvolnych paŭstańniach suprać Rasijskaj impieryi, razam pieražyvali pryhniot savieckaj akupacyi. Našaje siabroŭstva budujecca nie tolki na hieahrafii, ale na ahulnych ideałach i kaštoŭnaściach. I siońnia, siarod inšaha, my ŭšanoŭvajem historyju našaha supolnaha zmahańnia za svabodu, — padkreśliła jana.

— Naša meta — vyrvacca z-pad rasijskaj akupacyi, z-pad tyranii Łukašenki i viarnuć Biełaruś u jeŭrapiejskuju siamju narodaŭ. My razumiejem, što vyzvaleńnie Biełarusi — heta naša zadača i naš abaviazak. Ale my nie zmožam hetaha zrabić biez sajuźnikaŭ.

Da takich sajuźnikaŭ jana adniesła Litvu, i padziakavała ŭsim dziejačam, jakija padtrymlivali Biełaruś.

Kamientary8

  • Usaid
    25.03.2025
    Paru millionov i obyčnaja domochoziajka prievraŝajetsiac v hłašataja, rasskazyvajuŝieho pro «sovietskuju okkupaciju»
  • babrujčanin
    25.03.2025
    Usaid, Prykiń " aid.us" Paru miłlonaŭ biełarusaŭ i prostaja hodnaja " damachaziajka" źmieńvaje Historyju.
  • Z Dniom Voli
    25.03.2025
    Zaraz pa faktu Cichanoýskaja prezidentka ale dla biełaruskaj emihracyi na Zachadzie, vybačajcie ale składana ýiavić što bolšaść biełarusaý u Rasii ličać jaje za svaju prezidentku. Ale ich tak sama nie mała, kala 500 tys. biełaruskich emihrantaý u demakratyčnych krainach. Hetaki nacyjanalny lidar jak u Tybieta Dałaj Łama: pa bolšaj častcy dekłaracyjnyja zajavy niepadmačavanyja realnymi dziejańniami i cerymanijalnaja funkcyja.

Ciapier čytajuć

Łukašenka: U 2020 hodzie kala Pałaca Niezaležnaści nie pakistancy biehali20

Łukašenka: U 2020 hodzie kala Pałaca Niezaležnaści nie pakistancy biehali

Usie naviny →
Usie naviny

Zaŭtra ŭ Biełarusi aficyjny pracoŭny dzień1

2 i 6 maja ŭ Minsku praviaduć hienieralnyja repietycyi paradu. U centry horada buduć pierakryvacca vulicy1

23-hadovaja biełaruska vyžyła ŭ žudasnym DTZ, ale ciapier nie moža chadzić. Jaje historyja dakazvaje, što kachańnie isnuje5

Učora ŭ Biełarusi było da +25°S, a siońnia stanie rezka chaładać

Ukraina rychtujecca da spynieńnia padtrymki z boku ZŠA — Bild4

U siadzibie Ahinskich adnaŭlajuć dźvie baročnyja kaplicy

Apublikavany prajekt mahiły Papy Franciška

Vialikabrytanija moža admovicca ad adpraŭki miratvorcaŭ va Ukrainu z-za ryzyki vajny z Rasijaj12

Za Rasiju va Ukrainie vajujuć tysiačy najmitaŭ ź jak minimum paŭsotni krain śvietu. Chto jany?1

bolš čytanych navin
bolš łajkanych navin

Łukašenka: U 2020 hodzie kala Pałaca Niezaležnaści nie pakistancy biehali20

Łukašenka: U 2020 hodzie kala Pałaca Niezaležnaści nie pakistancy biehali

Hałoŭnaje
Usie naviny →

Zaŭvaha:

 

 

 

 

Zakryć Paviedamić