Не выкідайце шалупінне ад часнаку! Вось для чаго яно можа прыдацца
Аказваецца, што не толькі скуркі ад бананаў можна скарыстаць у гаспадарцы. Шалупінню ад часнаку таксама можна знайсці ўжытак.
Часнок мае характэрны пах, які падабаецца не ўсім. Але нельга адмаўляць таго, што, калі дадаваць яго ў стравы, смак зменіцца да лепшага. Часнок таксама карысны тым, што ўзмацняе імунітэт, — толькі яго дадаюць у кефір, суп, салаты ці масла, каб не папячы слізістай.
Але карысны не толькі сам часнок — шалупінне яго таксама можа часам прыдацца. Не выкідайце яго, і ваш сад вам падзякуе, тым больш што за зіму якраз можна яго назбіраць шмат.
З часночнага шалупіння можна зрабіць сродак, які абароніць моркву ад грыбкоў і молі. Каб зрабіць настой, можаце выкарыстоўваць не толькі шалупінне, але і карані, і сцёблы, і суквецці часнаку. Проста пакладзіце ўсё гэта ў посуд, заліце вадой і пакіньце ў цёмным месцы прыкладна на тыдзень. Калі заўважыце, што ў сумесі з’яўляюцца бурбалкі, перамяшайце яе і зноў адстаўце ўбок, пакуль бурбалкі не з’явяцца зноў. Калі гэта здарылася, настой можна выкарыстоўваць.
Каларадскі жук — вельмі частая прычына знішчэння бульбяных насаджэнняў. І сам жук, і яго лічынкі звычайна наносяць вялізныя страты будучаму ўраджаю, таму важна паклапаціцца пра свае пасевы, і часночнае шалупінне можа ў гэтым дапамагчы. Заліце яго вадой (на 10 літраў вады трэба 200 грамаў шалупіння) і пакіньце на суткі. Апрысквайце гатовым настоем бульбу адзін раз на тыдзень раніцай і ўвечары.
Часночнае шалупінне таксама дапаможа ў барацьбе з тлёй і павуцінавым кляшчом, якія могуць часам атакаваць вашы расліны. Каб згатаваць настой, можна дадаць да яго і шалупінне ад цыбулі. Заліце іх цёплай вадой і пакіньце на 5 дзён, потым працадзіце настой. Пераліце гатовую сумесь у пульверызатар і апрысквайце расліны чатыры разы на тыдзень, пакуль з раслін не знікнуць усе непажаданыя госці.
Рэцэпт на выхадныя. Часночная курачка з сырам: новы смак
Як падтрымаць імунітэт і застрахавацца ад прастуды? Вось некалькі рэцэптаў
Рэцэпт на выхадныя. Бульба з беконам і мёдам — лёгкая, сытная і такая прыгожая
Цяпер чытаюць
Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць9
Каментары
іншая справа, што - а дзе цяпер знайсці нармальны часнык?
а не кітайскі хімічны