Свет

Мінабароны Расіі заявіла пра «інсцэніроўку наступу расійскіх войскаў з тэрыторыі Прыднястроўя»

Міністэрства абароны Расіі сцвярджае, што Украіна «рыхтуе ўзброеную правакацыю» супраць непрызнанага Прыднястроўя «у найбліжэйшы час». 

«У якасці падставы для ўварвання плануецца інсцэніроўка нібыта наступу расійскіх войскаў з тэрыторыі Прыднястроўя», — гаворыцца ў заяве, апублікаванай раніцай. 

«Украінскія дыверсанты», сцвярджаецца ў ёй, будуць пераапранутыя ў расійскую вайсковую форму.

Малдова не пацвярджае інфармацыю Мінабароны Расіі аб уварванні УСУ ў Прыднястроўе. Аб гэтым паведамляецца ў тэлеграм-канале ўрада рэспублікі.

«Заклікаем да спакою і атрымання інфармацыі з афіцыйных і правераных крыніц Рэспублікі Малдова», — гаворыцца ў паведамленні.

Міністэрства абароны Расіі рэгулярна анансуе такія «дыверсіі», у тым ліку з ужываннем хімічнай зброі. Ніводны з такіх анонсаў не пацвярджаўся, паведамляе Бі-бі-сі.

Кіеў і Кішынёў пакуль афіцыйна не пракаментавалі новыя сцвярджэнні расійскага ваеннага ведамства.

Асцярогі з нагоды магчымага ўключэння Малдовы ў канфлікт таксама не раз гучалі на працягу года вайны.

У сярэдзіне лютага прэзідэнт Малдовы Мая Санду заявіла, што Украіна дала Кішынёву дакументы, з якіх вынікае, што Расія рыхтуе «падрыўныя дзеянні» ў яе краіне. Яна даручыла органам бяспекі і грамадскага парадку праяўляць максімальную пільнасць, каб прадухіліць звяржэнне канстытуцыйнага ладу.

На мінулым тыдні, выступаючы на Мюнхенскай канферэнцыі, Санду заявіла, што Расія вядзе гібрыдную вайну супраць Малдовы, выкарыстоўваючы эканамічны ціск і прапаганду. На яе думку, Масква хоча дэстабілізаваць абстаноўку ў краіне і вывесці людзей на вуліцы, каб змяніць уладу і стварыць прарасійскі ўрад. Пры гэтым яна падкрэслівала, што не бачыць непасрэднай пагрозы ўварвання ў Малдову з боку Расіі.

На тэрыторы Прыднястроўя ў вёсцы Каўбасна знаходзіцца адно з самых буйных у Еўропе сховішчаў зброі.

Каментары

Цяпер чытаюць

Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць9

Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць

Усе навіны →
Усе навіны

Самая модная беларуская апазіцыянерка Марына Гірын пайшла ў крыжовы паход супраць Еўрарадыё28

На абед падала атрутныя грыбы. Жанчыну ў Аўстраліі судзяць за забойства траіх сваякоў

Пад’ём а 4-й раніцы — новы трэнд: аскеза і культ працаздольнасці адначасова14

Фінскі блін у духоўцы — сняданак для тых, хто не хоча стаяць ля пліты цэлую вечнасць2

У новы гандлёвы цэнтр, што адкрыўся ў «Мінск-Свеце», можна трапіць праз метро3

У Бразіліі ва ўзросце 116 гадоў памерла найстарэйшая жанчына ў свеце4

Украіна і ЗША падпісалі пагадненне па прыродных рэсурсах13

На БМЗ работнікаў некаторых цэхаў сталі адпраўляць у адпачынкі за свой кошт1

Такер Карлсан абвінаваціў Зяленскага ў датычнасці да замаху на Трампа14

больш чытаных навін
больш лайканых навін

Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць9

Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць

Галоўнае
Усе навіны →

Заўвага:

 

 

 

 

Закрыць Паведаміць