«Сіндром раптоўнай смерці». З'явілася новая версія, ад чаго памёр Навальны
Маці і адвакату Аляксея Навальнага ў калоніі, дзе ён адбываў пакаранне, паведамілі, што палітык нібыта памёр праз «сіндром раптоўнай смерці». Пра гэта напісаў у суботу днём паплечнік палітыка Іван Жданаў.
Анестэзіёлаг-рэаніматолаг Аляксандр Палупан, які лячыў Навальнага пасля ягонага атручвання, у каментары выданню «Агентство» выказаў здагадку, што гаворка ідзе пра раптоўную сардэчную смерць, бо дыягназ «сіндром раптоўнай смерці» ставяць толькі немаўлятам.
Але пры гэтым, па словах Палупана, пры раптоўнай сардэчнай смерці не можа адбывацца тое, што было апісана ў ранейшым паведамленні УФСІН пра выпадак Навальнага. У рэлізе ведамства гаварылася, што Навальны «пасля прагулкі адчуў сябе дрэнна, практычна адразу страціўшы прытомнасць».
На самай справе, як сцвярджае лекар, у выпадку раптоўнай сардэчнай смерці пацыент губляе прытомнасць, не паспеўшы адчуць сябе дрэнна.
«Звычайна гэта адбываецца імгненна. Гэта не пагаршэнне стану. Калі пагаршэнне стану было, то яно доўжылася секунду да таго, як пацыент страціў прытомнасць і ў яго не стала эфектыўнага кровазвароту. Гэта рэзка [адбываецца], з першых прыкмет да страты прытомнасці праходзяць секунды», — сказаў ён.
Дыягназ «раптоўная сардэчная смерць» як адзіны дыягназ звычайна ставяць, калі не выяўлена іншых прычын пры ўскрыцці, сказаў Палупан. І ён вельмі зручны, паколькі пад яго можна падагнаць што заўгодна.
Афіцыйна прычыны смерці Навальнага пакуль не называліся. Практычна адразу Russia Today паведаміла пра адарваны тромб. Аднак Палупан сцвярджае, што такі дыягназ паставіць без ускрыцця нельга.
Прычына смерці Аляксея Навальнага пакуль не высветлена
Каманда Навальнага заявіла, што яго цела няма ў моргу ў Салехардзе
«Незразумелы кіпеж у калоніі, дзе быў Навальны, пачаўся яшчэ ўвечары ў чацвер, а раніца пятніцы пачалася з татальнага шмону»
Затрыманні каля «Сцяны смутку» ў Маскве, куды з раніцы нясуць кветкі ў памяць аб Навальным
Забойства Навальнага можа быць сігналам Захаду ад вельмі кансерватыўнага крыла Крамля — журналісты Bild
У розных гарадах свету адбыліся акцыі памяці Навальнага ФОТЫ
Цяпер чытаюць
Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць9
Каментары
🩸 Яксьці давялося пагаманіць з досьведным доктарам сталага веку. Тэй адзначыў, што тромбы зь венаў у назе наўрадці даплывуць да нашых палымяных сэрцаў. І які тромб мог бы зьявіцца ў Навальнага, каб тэй зь Нямеччыны не вярнуўся ў турму (народаў)?
🐍 Між тым лёгка знайсьці ў сеціве відыі, дзе яд зьмяі згушчае крывю, адразу робячы ў ей затамкі. Дык што казаць тутака пра гадаў-навукоўцаў, якія тысячагоддзямі працуюць над стварэньнем і ўдасканаленьнем атрутаў? Вось тэй жа «Навічок» — праз суткі, напрыклад, яго ўжо нельга знайсьці ў арганізьме.
🥺 Вельмі шкада Навальнага. Падчас СССР мы як жа мроілі найлепшай будучыняй! І ў Расеі напрыканцы Ельцына Пуцін выдаваўся яшчэ бóльшым, чым тэй, прагрэсыўцам, дэмакратам, і Салаўёў — найлібэральным апазыцыйным журналістам. А калі ўсё гэна перагарнула свой на сапраўдны імпэрскі нацыстоўскі твар, у суседзяў заставалася яшчэ надзея. Але будучыня «підманула, підвіла» й наўпрост зьдзічэла. Перамалаціла нават «сьвятога Алéксія»...