Siońnia adbyłasia telefonnaja razmova ministra zamiežnych spraŭ Biełarusi Uładzimira Makieja ź fiederalnym prezidentam Šviejcaryi Ińjacya Kasisam, jaki adnačasova ŭznačalvaje i źniešniepalityčnaje viedamstva hetaj krainy. Pra heta paviedamlaje pres-słužba MZS.
Pavodle łakaničnaha paviedamleńnia pres-słužby MZS, Makiej u razmovie z Kasisam akcentavaŭ «niaźmiennyja namahańni pa ŭrehulavańni kanfliktu va Ukrainie šlacham pieramovaŭ, zachady pa pryjomu ŭkrainskich biežancaŭ».
Padzialiŭsia ŭ Tvitary svaimi ŭražańniami pra razmovu i Ińjacya Kasis:
«Padčas telefonnaj razmovy z kiraŭnikom MZS Biełarusi ja padkreśliŭ terminovaść dypłamatyčnaha rašeńnia, jakoje pakłała b kaniec žudasnaj vajnie va Ukrainie. Šviejcaryja prapanuje svaju dypłamatyčnuju padtrymku. Ja vitaju namahańni Biełarusi pa miedyjacyi (rasiejska-ŭkrainskaha kanfliktu), ale hłyboka škaduju ab tym, što Biełaruś daje svaju terytoryju rasijskaj armii».
Cikava, što ŭčora pasoł Šviejcaryi ŭ Biełarusi Kryścina Chonehier-Załatuchin sustrakałasia ź inšym vysokim biełaruskim čynoŭnikam — staršynioj Pałaty pradstaŭnikoŭ Uładzimiram Andrejčankam.
Z čym źviazanaja takaja aktyvizacyja ŭ apošnija dni šviejcarskaj dypłamatyi na biełaruskim kirunku, pakul što skazać składana. Palitźniavolenaja šviejcarskaja hramadzianka Natalla Chierše była vyzvalenaja ź biełaruskaj turmy jašče ŭ lutym, nieŭzabavie paśla taho, jak u krainy pryjechała šviejcarskaja ambasadarka.
Ciapier čytajuć
Łukašenka: U 2020 hodzie kala Pałaca Niezaležnaści nie pakistancy biehali20
Kamientary