«Chvory čałaviek pa troch napramkach». Va ŭkrainskaj raźviedcy raspaviali pra zdaroŭje Pucina
Rasijski prezident Uładzimir Pucin chvory maralna i fizična. Taksama ŭ jaho nazirajucca prykmiety šyzafrenii. Pra heta ŭ intervju RBK-Ukraina paviedamiŭ pradstaŭnik HUR Minabarony Ukrainy Vadzim Skibicki.
«Chvory čałaviek pa troch napramkach: maralna, šyzafrenik i fizična taksama chvory. Što voźmie vierch pieršym — pabačym», — skazaŭ Skibicki, adkazvajučy na pytańnie ab stanie Pucina. Jon zaznačyŭ, što infarmacyja pra zdaroŭje prezidenta Rasii chavajecca.
«Stan jaho zdaroŭja składany. Ale jon budzie vajavać da kanca svaich dzion. Jon nie spynicca i nie admovicca. Dumać, što jaho zdaroŭje budzie ŭpłyvać na chod vajny — pamyłkova. U jaho adna meta i jon jaje ahučyŭ: «Piotr I vajavaŭ 21 hod, takim čynam, i ja budu stolki ž vajavać, i budu vajavać da taho času, pakul nie zrablu taho, pra što maru». Va ŭsich jaho prahramnych artykułach, jakija jon pisaŭ, skazana, jaki ŭ jaho śvietapohlad», — padkreśliŭ pradstaŭnik HUR.
Raniej pra prablemy sa zdaroŭjem u Pucina zajaŭlali zachodnija raźviedki. U Rasii heta kateharyčna abviarhajuć.
Kamientary
I voś narešcie dačakaliś taho, pra što jen nie chavaŭ, a ŭsie navokał nie žadali navat dumać