Ambicyjnyja płany. «Biellehpram» choča apranuć kala 2 młn zimbabvijskich školnikaŭ i vycisnuć z hetaha rynku kitajcaŭ
Biełaruskija tekstylščyki «namacali» bujny rynak tkanin u Afrycy, ale tam im daviadziecca kankuravać z Kitajem, pieradaje «Sputnik».
Pieršyja pastaŭki bavaŭnianaha vałakna ź Zimbabve ŭ Biełarusi čakajuć z červienia-lipienia 2023 hoda, paviedamiła žurnalistam staršynia dziaržkancerna «Biellehpram» Taćciana Łuhina. Dahavor ab namierach u hetaj śfiery byŭ padpisany jašče ŭ studzieni, kali delehacyja na čale z Alaksandram Łukašenkam naviedvała Zimbabve.
Ciapier u Biełarusi znachodzicca pastajanny sakratar ministerstva pramysłovaści i handlu Zimbabve Mavis Sibandy.
Kancern «Biellehpram» spadziavajecca na supracoŭnictva — pastaŭki «biełaruskich tkanin u hetuju afrykanskuju krainu, a potym i na ŭvieś kantynient».
Łuhina adznačyła, što ŭ Zimbabve kala dvuch miljonaŭ školnikaŭ, i dla ŭsich treba šyć formu. Pakul što hetaja patreba zakryvajecca impartam z KNR. Biełaruś užo prapanavała paliviskozu i tkaniny z voŭnaju. U kancy krasavika hetyja i inšyja ŭzory pradukcyi pradpryjemstvaŭ «Kamvol» i «Mahateks» biełaruskaja delehacyja pradstavić na vystavie ŭ Zimbabve, raspaviała Łuhina.
Pavodle jaje słoŭ, u krainie jość vytvorčaść adzieńnia, ale niama tekstylnych pradpryjemstvaŭ, jakija vypuskajuć tkaninu. Tamu «Biellehpram» i vyrašyŭ uvajści na hety rynak. Ale biełarusam daviadziecca vytrymać kankurencyju z kitajcami, u tym liku pa łahistycy i jakaści, kanstatuje «Sputnik».
Łukašenka: U 2020 hodzie kala Pałaca Niezaležnaści nie pakistancy biehali20
Kamientary