Daśledčyki stvaryli akulary-sanary, jakija adsočvajuć ruchi tvaru dla biasšumnaj kamunikacyi
Pratatyp sčytvaje biasšumnyja kamandy z dakładnaściu kala 95 adsotkaŭ.
Daśledčyk i aśpirant z Cornell University Ruidonh Žanh raspracavaŭ akulary-sanary, jakija «čujuć» vas, navat kali vy biasšumna varušycie vusnami, amal nie pramaŭlajučy ŭhołas. Ustalavanyja na akularach malusieńkija mikrafony i dynamiki dazvalajuć, naprykład, addavać kamandu prypynić abo prapuścić muzyčnuju kampazicyju, uvodzić paroli biez vykarystańnia kłavijatury ci pracavać u niekatorych prahramach bieź nieabchodnaści manualnaha ŭvodu danych.
Sistemie patrabujecca ŭsiaho niekalki chvilin navučalnych danych (naprykład, čytańnie sieryi ličbaŭ), kab vyvučyć maŭlenčyja ŭzory karystalnika. Zatym, jak tolki devajs hatovy da pracy, jon adpraŭlaje i prymaje hukavyja chvali, sčytvajučy ruchi vusnaŭ i vykarystoŭvajučy pry hetym ałharytm hłybokaha navučańnia dla analizu recha-profilaŭ u režymie realnaha času «prykładna z 95-adsotkavaj dakładnaściu».
Pry hetym apracoŭka danych adbyvajecca na vašym smartfonie (pa biespravadnoj suviazi), paviedamlaje Engaget. Heta dazvalaje pryładzie mieć nievialiki pamier. Biahučaja viersija prapanuje kala 10 hadzin aŭtanomnaj pracy. Akramia taho, śćviardžajecca, što nijakija danyja nie pakidajuć vaš telefon, uchilajučy aściarohi, źviazanyja z pryvatnaściu.
Sapraŭdy kanfidencyjnaść danych tut ujaŭlaje saboj važny faktar, kali razhladać patencyjnaje vykarystańnie pryłady ŭ realnym śviecie. Stvaralnik prapanuje vykarystoŭvać takija akulary, naprykład, dla kiravańnia prajhravańniem muzyki (biez vykarystańnia ruk i vačej) u cichaj biblijatecy abo dla dyktoŭki paviedamleńnia na hučnym kancercie, dzie standartnyja varyjanty ŭvodu tekstu nie vielmi zručnyja.
Ale ž, badaj, samaja zachaplalnaja pierśpiektyva — heta vykarystańnie vynachodki ludźmi z parušeńniami maŭleńnia dla biazhučnaj pieradačy słoŭ u hałasavy sintezatar, jaki moža potym pramaŭlać słovy hučna i ŭhołas.
Zaraz kamanda Cornell's Smart Computer Interfaces for Future Interactions Lab vyvučaje kamiercyjalizacyju hetaj technałohii z dapamohaj prahramy finansavańnia Cornell. Jany taksama razhladajuć dadatki da razumnych akularaŭ dla adsočvańnia ruchaŭ tvaru, vačej i vierchniaj častki cieła. Daśledčyki ličać, što «škło budzie važnaj piersanalnaj vyličalnaj płatformaj dla razumieńnia dziejnaści čałavieka ŭ štodzionnych umovach».
-
Studyja ź minskimi karaniami vypuściła videahulniu pra Halivud. U jaje možna hulać pa-biełarusku
-
Navukoŭcy śćviardžajuć, što adkryli novy koler, jaki nichto raniej nie bačyŭ. Ale ŭbačyć jaho amal nierealna
-
Pierasyłka ryłsa ŭ instahramie moža vas vydać. Hetuju funkcyju nielha adklučyć, ale možna abaranić siabie — voś jak
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary