Raniej knihi Ukrainy i Biełarusi kancentravalisia ŭ adździele «Rasija / SSSR».
«Biblijateka Kanhresa ZŠA paviedamiła, što pierahladzieła kłasifikacyju ŭkrainskaha raździeła — vyłučyła ŭ asobny ad SSSR/Rasii raździeł (z DK508 u DK5001-5995) i bolš adekvatna i poŭna raśpisała pieryjadyzacyju historyi, kultury i h.d. Na čarzie ŭ ich — Biełaruś. Jaje taksama vyłučajuć u asobny ad SSSR/Rasii raździeł (z DK507 u DK2001-2995). Ciapier jany šukajuć śpiecyjalistaŭ dla supracy ŭ hetaj spravie», — paviedamiŭ Ihar Ivanoŭ, biblijatekar, supracoŭnik Skarynaŭskaj biblijateki ŭ Łondanie, stvaralnik vydaviectva Skaryna Press.
Raniej knihi Ukrainy i Biełarusi kancentravalisia ŭ adździele «Rasija / SSSR».
Biblijateka Kanhresa — nacyjanalnaja biblijateka ZŠA, adna z najbujniejšych biblijatek śvietu. Zasnavanaja ŭ 1800 h., jana znachodzicca ŭ Vašynhtonie. Heta navukovaja biblijateka Kanhresa ZŠA, jakaja absłuhoŭvaje ŭradavyja orhany, daśledčyja ŭstanovy, navukovych supracoŭnikaŭ, pryvatnyja firmy i pramysłovyja kampanii, škoły. Admysłovy adździeł biblijateki Kanhresa zajmajecca afarmleńniem aŭtarskich pravoŭ.
Biblijateka Kanhresa maje 18 čytalnych załaŭ na 1460 čytackich miescaŭ. Ź biblijahrafičnych vydańniaŭ biblijateki Kanhresa najbolš značnyja — «Nacyjanalny zborny katałoh» («The National Union Catalog»), jaki vychodzić z 1958 hoda štomiesiac, i zborny katałoh knih, jakija zachoŭvajucca ŭ biblijatekach ZŠA, paviedamlaje bellit.info.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary