Šaści bresckim škołam da novaha navučalnaha hoda nadali imiony savieckich hierojaŭ
Zhodna z rašeńniem Bresckaha harvykankama ad 22 žniŭnia 2023 hoda №1191 «Ab pierajmienavańni dziaržaŭnych ustanoŭ adukacyi» šaści škołam Bresta prysvojenyja imiony viadomych ludziej, siarod jakich spres savieckija hieroi Druhoj suśvietnaj vajny.
Siaredniaj škole № 9 prysvojena imia abaroncy Bresckaj krepaści Alaksieja Nahanava.
Siaredniaj škole №16 — imia Hieroja Savieckaha Sajuza Alaksieja Karasiova.
Siaredniaj škole №19 — imia Hieroja Savieckaha Sajuza Siarhieja Sikorskaha.
Siaredniaj škole №23 — imia Hieroja Savieckaha Sajuza Piatra Haŭryłava.
Siaredniaj škole №27 — imia Hieroja Savieckaha Sajuza Ivana Barsukova.
Siaredniaj škole №35 — imia maršała Savieckaha Sajuza Kanstancina Rakasoŭskaha.
Raniej paviedamlałasia, što praktyka nadańnia škołam imion savieckich hierojaŭ nadta pašyranaja ŭ Viciebskaj vobłaści. Za apošnija čatyry hady z 350 siarednich navučalnych ustanoŭ Viciebskaj vobłaści bolš za sto ŭžo nabyli imiony roznych ludziej, što prasłavilisia ŭ saviecki čas. U asnoŭnym heta vajskoŭcy ci partyzany, jakija atrymali zvańni Hierojaŭ Savieckaha Sajuza. Tolki ŭ adnym Viciebsku takich škoł — kala dvuch dziasiatkaŭ.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary