Śpiavačku Meryjem zatrymlivali hubazikaŭcy. «Paśla maimi kartkami raspłačvalisia dva miesiacy — amal 900 jeŭra»
Meryjem Hierasimienka ŭ novym vypusku tok-šou «Žyćcio-malina» raskazała pra biessaromnaść supracoŭnikaŭ HUBAZiKa.
Padčas razmovy Meryjem zaŭvažyła, što choča, kab ludzi viedali i razumieli absurdnaść situacyi:
«U mianie byli niejkija hrošy ŭ kašalku. Kali mianie zabiraŭ HUBAZiK, jon adkryvaje hety kašalok, dastaje hrošy i kładzie sabie ŭ kišeniu. Maimi kartkami raspłačvalisia — ja brała potym vypisku — da kanca vieraśnia. Mianie pasadzili 5 žniŭnia. … Za paŭtara miesiaca amal 900 jeŭra».
Meryjem zhadvaje, što jaje kartkami raspłačvalisia ŭ supiermarkietach «Susiedzi» i «Vitalur», kaviarni Beans & Leaves.
Pa słovach śpiavački, kali jana spytała ŭ advakata, što rabić, kab viarnuć hrošy, toj adkazaŭ, što ničoha nie zrobiš, bo «nichto nie budzie prymać zajavu na svaich».
Pa słovach Meryjem, joj taksama nie viarnuli častku rečaŭ, jakija byli kanfiskavanyja bieź jaje prysutnaści — «ad zołata da duchoŭ i ałkaholu».
«Ty siadziš i złuješsia. Tamu što heta maje hrošy, jakija ja zarabiła. Heta maje rečy. Mahčyma, jany chacieli, kab ich žančyny smačna pachli. Ale mahli b i zarabić i kupić, a nie zabirać majo», — adznačaje śpiavačka.
Čytajcie taksama:
Śpiavačka i byłaja palitźniavolenaja Meryjem Hierasimienka vyjšła zamuž
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»21
Kamientary
HUBAZ u lepšych tradycyjach NKUS uryvajecca ŭ chaty (kontr)revalucyjnych elemientaŭ i pačynaje nabivać kišeni.
Hłybinnaja sutnaść lumpien-pralitaryjata