Vieranika Capkała pra adjezd u Maskvu za dzień da vybaraŭ: «Ja chacieła pravieści hety histaryčny dzień ź dziećmi»
Žonka Valeryja Capkały padzialiłasia ŭspaminami ŭ novym vypusku šou «Žyćcio-malina».
Pierad vybarami 9 žniŭnia 2020-ha hoda Vieranika Capkała vyjechała z krainy. Hałasavała jana ŭ Maskvie. Pa jaje słovach, ab svaim adjeździe jana papiaredziła Śviatłanu Cichanoŭskuju:
«Ja pryjechała da jaje ŭ ofis. Skazała, što płanuju pajechać da maich dziaciej. (…) Na heta jana skazała: «Rabi tak, jak ličyš nieabchodnym», — zhadvaje žančyna i zaŭvažaje, što na toj momant, jak jana źjazdžała, «u nas užo nie było zapłanavana nivodnaha intervju, mitynhu, uvohule ničoha».
Jak tłumačyć Vieranika Capkała, padčas pieradvybarčaj kampanii dzieci ź mierkavańniaŭ biaśpieki znachodzilisia ŭ jaje siabroŭki, jakaja žyvie ŭ Maskvie.
«Ja mierkavała i ciapier miarkuju, što heta byŭ histaryčny dzień dla Biełarusi. I tamu ja chacieła pravieści hety dzień z maimi dziećmi, kab jany zapomnili jaho na ŭsio žyćcio. Jak my pajšli ŭ pasolstva hałasavać — i što heta sapraŭdy novy adlik historyi Biełarusi».
Vieranika śćviardžaje, što na toj momant, joj zdavałasia, što «my prahałasujem i vierniemsia dachaty». «Ja ščyra była ŭpeŭniena, što my vierniemsia. Ja dumała, što voś ciapier usio. Łukašenka prajhraŭ».
Vieranika Capkała: Niezaležnyja ŚMI mohuć atrymać štraf u 30 tysiač jeŭra za krytyku Cichanoŭskaj
«U Capkały niejkaja vypadkovaść u bačańni budučaj Biełarusi, a voś u Vieraniki vialiki patencyjał» — Knyrovič
Vieranika Capkała — pakupnikam jaje kanfiskavanaj kvatery: «My vierniemsia i zapatrabujem ad vas vypłaty arendy!»
Ciapier čytajuć
Syna eks-kiraŭnika Bresckaj vobłaści asudzili za ŭdzieł u pratestach9
Kamientary