Abvieščany zbor na dapamohu byłoj palitźniavolenaj Irynie Ščasnaj
Hrašovy zbor abvieščany na reabilitacyju i adaptacyju.
«U 2020 hodzie ja była redaktaram šerahu telehram-kanałaŭ, aśviatlała akcyi pratestaŭ da i paśla vybaraŭ, fakty hvałtu i represij suprać mirnych biełarusaŭ. U metach biaśpieki ja žyła niekalki miesiacaŭ va Ukrainie, ale ŭvieś hety čas vielmi sumavała pa rodnych. Ja pierakanała siabie ŭ tym, što kali ŭ svajoj dziejnaści nie zaklikała da hvałtu, to represii mianie nie zakranuć i viarnułasia dadomu», — koratka pierakazvaje Iryna svaju historyju.
«18 listapada 2020 hoda ŭ maju kvateru ŭvarvalisia siłaviki, praviali pieratrus i aryštavali mianie na vačach usioj siamji. Ja była abvinavačana ŭ padrychtoŭcy masavych biesparadkaŭ pa kryminalnym artykule (art. 293 KK RB. — Padrychtoŭka da ŭdziełu ŭ masavych biesparadkach) i 25 traŭnia 2021 hoda sud prysudziŭ mnie 4 hady pazbaŭleńnia voli.
U kałonii ja rehularna padviarhałasia cisku z boku supracoŭnikaŭ kałonii: na mianie składalisia falšyvyja raparty, nakładvalisia raznastajnyja spahnańni. U vyniku hetaha na volu ja vyjšła z previentyŭnym nahladam*, jak złosnaja parušalnica režymu. Atrymlivałasia, što jašče niekalki hadoŭ majo žyćcio budzie padobnaje na turmu. Było nievynosna ad pierśpiektyvy znoŭ žyć pa režymie i ŭvieś čas bajacca niešta parušyć, kab nie apynucca ŭ kałonii. Mnie spatrebiłasia dva dni, kab acanić situacyju, pryniać rašeńnie i pakinuć krainu. Ab pieražytym ja raspaviała ŭ roznych intervju».
Iryna kaža, što joj vielmi patrebna pryvieści ŭ paradak svajo zdaroŭje, jana maje šmat psichałahičnych prablem, jakija bieź śpiecyjalistaŭ nia vyrašyć.
«U čužoj krainie ja asabliva adčuvaju svaju adzinotu, i z metaj adaptacyi i intehracyi płanuju vučyć polskuju movu. Heta ŭsio vymahaje hrošaj, jakich ja nie maju», — kaža jana.
Nieabchodna sabrać 4500 jeŭra
Ciapier čytajuć
«Padniaŭ by ž*pu, prajechaŭ pa mahazinach». Praŭładnaja błohierka abrynułasia na Azaronka za chłuśniu pra bulbu19
Kamientary