Alinu Koŭšyk spytali, čamu hałoŭnaj redaktarkaj «Biełsata» stała jana, a nie Alaksiej Dzikavicki
Alina Koŭšyk, jakuju pryznačyli hałoŭnaj redaktarkaj «Biełsat», raskazała ŭ razmovie ź Siarhiejem Padsasonnym, kali joj pastupiła prapanova stać na čale kanała. Uryvak ź viečarovaj prahramy «Tydzień», jakuju pakažuć siońnia, apublikavaŭ telehram-kanał «Biełsata».
Alina raspaviała, što prapanova ŭznačalić kanał była dla jaje niečakanaj. Chacia hutarki pra źmienu kiraŭnictva kanała byli daŭno, Alinie, pavodle jaje słoŭ, takaja prapanova pastupiła niadaŭna.
«Kali da mianie pryjšli z prapanovaj, ja zrazumieła, što heta apošniaja doška ratunku, — kaža Koŭšyk. — Usie kazali, što važna, kab biełarus ci biełaruska ŭznačalvali kanał. I palaki heta pačuli».
Viadučy Siarhiej Padsasonny zaŭvažyŭ, što Alaksiej Dzikavicki, jaki da śniežnia zastajecca vykonvać abaviazki kiraŭnika kanała, taksama biełarus i taksama pracuje tam ad zasnavańnia «Biełsata».
«Čamu nie Alaksiej?» — spytaŭ Siarhiej Padsasonny.
«Heta pytańnie treba zadavać asobam, jakija prymali rašeńnie, i heta była nie ja», — adkazała Alina. Jana asprečyła, što pierajšła darohu Dzikavickamu.
«Prapanova ŭznačalić «Biełsat» mnie pryjšła paśla taho, jak ja dakładna viedała, što Alaksiej Dzikavicki nie zastaniecca na pasadzie», — skazała jana.
Dzikavicki: Kamanda «Biełsata» amal nie maje nijakaha ŭpłyvu na situacyju
Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale
Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»
«Biełsat» pierastanie być samastojnaj adzinkaj u struktury TVP
Dzikavicki: Pa-ludsku razumieju rytoryku Ramašeŭskaj. Ale ja b syšoŭ spakajniej
Łukašenka: U 2020 hodzie kala Pałaca Niezaležnaści nie pakistancy biehali20
Kamientary
Parazvažać z razumnaj vynikovaj pryhožaj Alinaj Koŭšyk pra nieabchodnaść svajho kulturnaha Suśvietu dla pabudovy svajoj dziaržavy.
Kałhasnaja mova ludziej, jakija nikoli nie čuli i nie viedali biełaruskaj movy. I tym bolš ničoha nie čuli pra publicystyčny styl. Hapata, karaciej.