Prezident Turcyi raskrytykavaŭ amierykanskija ŭłady za toje, što jany dazvolili ŭkrainskim vajskoŭcam nanosić udary pa rasijskaj terytoryi z vykarystańniem rakiet ATACMS.
Pa słovach Erdahana, pieradača Kijevu rakiet dalniaha radyusu dziejańnia pryviadzie da raspalvańnia kanfliktu. Erdahan ličyć, što takoje raźvićcio padziej moža pastavić uvieś śviet na miažu vialikaj vajny. Pry hetym, na jaho dumku, Rasija i Ukraina pavinny «prajavić strymanaść», piša Bild.
U toj ža čas ułady Kitaja na fonie apošnich padziej zaklikali da deeskałacyi ŭ vajnie.
«U isnujučych abstavinach usie baki pavinny zachoŭvać spakoj, prajaŭlać strymanaść i pracavać razam praz dyjałoh i kansultacyi, kab paźbiehnuć napružanaści i stratehičnych ryzyk», — zajaviŭ u sieradu aficyjny pradstaŭnik Ministerstva zamiežnych spraŭ KNR Liń Cziań.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary