Makron: Kanfiskacyja zamarožanych rasijskich aktyvaŭ supiarečyć mižnarodnamu pravu
Prezident Francyi Emanuel Makron zajaviŭ, što kanfiskacyja zamarožanych rasijskich aktyvaŭ supiarečyć mižnarodnamu pravu, adnak dachody ad hetych aktyvaŭ vykarystoŭvać možna. Pra heta jon skazaŭ padčas pres-kanfierencyi z prezidentam ZŠA Donaldam Trampam u Vašynhtonie 24 lutaha.
Makron adznačyŭ, što aktyvy Rasii zastajucca zabłakavanymi ŭ ramkach sankcyj, a ich dalejšy los budzie zaležać ad mižnarodnych damoŭlenaściaŭ.
Francyja razam z partniorami akazvaje finansavuju padtrymku Ukrainie praz kredyty i hranty, adnak kanfiskacyja rasijskich aktyvaŭ u jakaści zakładu dla vypłat niemahčymaja.
«My ŭžo vykarystoŭvajem dachody ad zamarožanych aktyvaŭ dla zabieśpiačeńnia pazyk, uzhodnienych na G7. U nas jość 230 miljardaŭ zamarožanych aktyvaŭ u Jeŭropie, rasijskich aktyvaŭ, ale heta nie jak zakład kredytu, tamu što heta nie naša ŭłasnaść. Tamu jany zamarožanyja».
Makron rastłumačyŭ, što zamarožanyja rasijskija aktyvy nielha kanfiskavać, bo heta supiarečyć mižnarodnamu pravu:
«Vy možacie zabrać dachody ad zamarožanych aktyvaŭ, ale vy nie možacie zabrać sami aktyvy, pakolki heta nie adpaviadaje mižnarodnamu pravu, a my chočam pavažać mižnarodnaje prava. Jany mohuć stać častkaj pieramoŭ paśla zakančeńnia vajny, bo ahresaram źjaŭlajecca Rasija, i jana pavinna nieści adkaznaść», — padkreśliŭ francuzski lidar.
Jon taksama padkreśliŭ, što pieršačarhovaj źjaŭlajecca kampiensacyja Ukrainie za straty, naniesienyja rasijskaj vajnoj.
«Hetaja vajna kaštavała nam usim vialikich hrošaj, i heta adkaznaść Rasii, tamu što ahresar — heta Rasija. Tak što, urešcie, hety zamarožany aktyŭ pavinien być častkaj pieramoŭ».
Tramp vieryć, što Ukraina moža viarnuć častku zachoplenaj Rasijaj terytoryi
Tramp nazyvaŭ dyktataram Zialenskaha, ale admoviŭsia nazvać tak Pucina
Ź jakimi miratvorčymi prapanovami Makron i Starmier jeduć u Vašynhton
Makron: Zialenski byŭ demakratyčna abrany, u adroźnieńnie ad Pucina, jaki zabivaje svaich apanientaŭ i manipuluje vybarami
Łukašenka: U 2020 hodzie kala Pałaca Niezaležnaści nie pakistancy biehali20
Kamientary