Majk Uołc adznačyŭ taksama, što ZŠA patrebny lidar, jaki zmoža ŭzajemadziejničać u tym liku z rasiejcami i pakłaści kaniec hetaj vajnie.
Daradca prezidenta ZŠA pa nacbiaśpiecy Majk Uołc vykazaŭsia pra Zialenskaha ŭ efiry CNN.
Uołca spytali, ci choča Tramp adstaŭki Zialenskaha.
«Nam patrebny lidar, jaki zmoža ŭzajemadziejničać z nami, u rešcie rešt uzajemadziejničać z rasiejcami i pakłaści kaniec hetaj vajnie.
I kali stanie vidavočnym, što asabistyja ci palityčnyja matyvy prezidenta Zialenskaha razychodziacca z tym, kab spynić bajavyja dziejańni ŭ hetaj krainie, tady, na maju dumku, my majem sapraŭdnuju prablemu», — adkazaŭ Uołc.
Jon dadaŭ, što Zialenski pavinien dać zrazumieć, što jon hatovy iści da miru.
Daradca Trampa vykazaŭsia, što ŭkrainski prezident zanadta zasiarodžany na «praviercy faktaŭ».
«Heta jak byłaja dziaŭčyna, jakaja asprečvaje ŭsio, što vy kazali dzieviać hadoŭ tamu, a nie sprabuje ruchać adnosiny dalej», — adznačyŭ jon.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci3
Kamientary
Praciahvaj kłaŭnadu dalej, trampynia, my ŭ Jeŭropie lubim kapitał jaki inviestary vyvodziać z amierykanskaj ekanomicy ;)
Niapravilny Zialenski svaimi faktami zaminaje svabodna plavuzhać.
Kapiec kamandu Trampa nabrali. Jany, mabyć, jašče i hanaracca svaim nachabstvam i vykručanaściu. Iściny niama, sumleńnia niama, jość tolki svaja "pazicyja".