Па словах міністра абароны ЗША Піта Хегсета, нельга меркаваць, што «прысутнасць Амерыкі ў Еўропе будзе доўжыцца вечна», піша Onet.
Падчас візіту міністра абароны ЗША Піта Хегсета ў Польшчу той быў павінен пераканаць, што амерыканскія войскі з краіны «нікуды не падзенуцца», але журналісты Onet даведаліся пра гэты візіт некалькі новых падрабязнасцяў.
Міністр правёў у Польшчы амаль два дні на мінулым тыдні — гэта быў беспрэцэдэнтны візіт, піша Onet. Піт Хегсет сустрэўся з віцэ-прэм'ерам і кіраўніком Міністэрства абароны і прэзідэнтам краіны.
Амерыканец наведаў склад APS-2, які з'яўляецца часткай глабальнай вайсковай інфраструктуры ЗША. Гэта адзін з сямі складоў такога тыпу, якія належаць узброеным сілам ЗША ў свеце, і яго размяшчэнне ў Польшчы падкрэслівае стратэгічную важнасць абароннага супрацоўніцтва паміж дзвюма краінамі.
Журналісты адзначаюць, што Хегсет падчас свайго візіту ў Польшчу пасеяў нявызначанасць у кантэксце амерыканскай вайсковай прысутнасці ў краіне. Ён сказаў так:
«Тое, што адбудзецца праз 5,10 або 15 гадоў, сёння з'яўляецца часткай больш шырокай дыскусіі, якая адлюстроўвае ўзровень пагрозы, стаўленне Амерыкі, нашы патрэбы ва ўсім свеце, але, самае галоўнае, здольнасць еўрапейскіх краін дзейнічаць. Таму наша пасланне нашым еўрапейскім саюзнікам сёння так непахісна. Сёння настаў час інвеставаць, таму што вы не можаце меркаваць, што прысутнасць Амерыкі [у Еўропе] будзе доўжыцца вечна», — сказаў ён.
Ён таксама адзначыў, што цяпер прыярытэтам для ЗША з'яўляецца Ціхаакіянскі рэгіён, а не Еўропа.
Польшча выкарыстоўвае амерыканскую праграму крэдытавання і гарантый на суму 11 мільярдаў долараў. Па звестках Onet, гэтыя грошы не знаходзяцца пад пагрозай, нягледзячы на тое, што адміністрацыя прэзідэнта Дональда Трампа абмежавала сродкі на так званую знешнюю дапамогу.
Як сцвярджаюць журналісты са спасылкай на свае крыніцы, Польшча і краіны Балтыі ўзялі на сябе цяжар «інфармавання» новай амерыканскай адміністрацыі ў дачыненні да стасункаў з Расіяй.
Цяпер чытаюць
Мальдывы, Занзібар і Італія: куды панесла адпачываць прыхільнікаў Лукашэнкі16
Каментары