Вынеслі на абмеркаванне змены ў Правілы аўтамабільных перавозак пасажыраў
Савет міністраў вынес на грамадскае абмеркаванне праект зменаў у Правілы аўтамабільных перавозак пасажыраў. Абмеркаванне працягнецца з 26 красавіка па 5 мая, а праект тычыцца як гарадскіх, так і міжгародніх перавозак, а таксама таксі.
На абмеркаванне выносяцца наступныя прапановы:
- усе транспартныя сродкі, якія працуюць на аўтамабільных перавозках, павінны быць абсталяваныя сродкамі відэафіксацыі;
- у аўтобусах на пасажырскіх месцах абавязкова павінны быць рамяні бяспекі: на гарадскіх маршрутах — двухкропкавыя або трохкропкавыя, а ў прыгарадных і міжгародніх аўтобусах і маршрутках — толькі трохкропкавыя;
- у таксі можна будзе адмовіцца плаціць за паездку, калі кіроўца не выдаў касавы чэк — калі толькі гэта не аплата праз мабільны дадатак з фарміраваннем электроннага чэка, або калі ў таксі адсутнічае каса (акрамя таксі, які працуе праз інтэрнэт-сэрвісы);
- да кіроўцаў, якія маюць стаж і адсутнасць прыцягнення да адказнасці, будуць прад'яўляцца іншыя патрабаванні. Тых, хто атрымаў правы менш, чым пяць гадоў таму, вызваляць ад праходжання курсаў павышэння кваліфікацыі.
Цяпер чытаюць
Стала вядома, за што асудзілі кіраўніка беларускага Ernst & Young Паўла Лашчанку2
Каментары