Samymi seksualnymi ŭ śviecie ciapier ličacca mužčyny 50+
U hetym miesiacy časopis People vyznačyŭ najseksualniejšaha mužčynu 2021 hoda. Im akazaŭsia dabradušny, pryjazny, ścipły 52-hadovy Poł Rad, viadomy mnohim dziakujučy «Čałavieku-murašu», «Palaŭničym na pryvidaŭ» i sieryjału «Siabry». Poł byŭ ahałomšany tytułam, bo nikoli nie prymiaraŭ na siabie taki vobraz. U čym šarm novych piacidziesiacihadovych, raźbirajecca Guardian.
«Kali ludzi pačujuć pra heta, jany skažuć: «Što?», — śmiajaŭsia Poł, kali jamu paviedamili pra novy tytuł. — A siabry dyk i pahatoŭ raźniasuć mianie».
Reakcyja jaho žonki była takoj ža. «Jana doŭha śmiajałasia i tolki paśla schamianułasia i skazała, što žury, kaniečnie, maje racyju», — raskazvaje akcior vydańniu People.
Ale za takim rašeńniem aŭtarytetnaha časopisa staić vyraznaja tendencyja siońnia — žančyny pačali canić vietlivaść, uraŭnavažanaść i takuju patrebnuju nadziejnaść značna bolš za pieramienlivuju žarść i dramu. Adpaviedna, u fokus žanočaj uvahi siońnia ŭvachodziać novyja hieroi.
Seksualnymi ciapier ličacca niezaŭvažanyja raniej treniery paśpiachovych futbolnych kamand, Barak Abama i, u pryncypie, luby samy zvyčajny siamjanin za 50, z raniej nieviadomaj, ale takoj mahutnaj ciapier abajalnaściu.
Važny składnik novaha vobrazu seksualnaha mužčyny — dobraja fizičnaja forma. Nie mienš istotna — ci zdolny jon žartavać i być pryjaznym. U hetyja niespakojnyja časy žančyny taksama z zachapleńniem hladziać na mužčyn, jakija asacyjujucca sa spakojnym, raźmieranym žyćciom i nie prynosiać pakutaŭ ci prablem.
Dobryja, śpiełyja, časam hatovyja padureć, ale ŭsio ž z unutranaj hodnaściu i jašče seksualnyja, ale kab nie zanadta vidavočna — takija mužčyny ciapier u modzie.
Zdajecca, čałaviectva pačynaje canić darosłaść.
Hałoŭnaje, nie pačać, zabyŭšysia, abmiarkoŭvać rucinnuju kałanaskapiju ŭ kampanii žančyny, raić Guardian piacidziesiacihadovym mužčynam.
-
Natalla Cylinskaja: Zamužam ja była čatyry razy. My stvorany, kab nas nasili na rukach, kali krychu bujniejšaja — paklič siabra
-
Eks-zorka zbornaj Hiermanii kinuŭ viadomuju tenisistku. Jon zdradziŭ joj z televiadučaj
-
Sotni tysiač biełarusaŭ sačyli za chłopcam, jakomu dziaŭčyna dapamahała adnaŭlacca paśla strašnaj avaryi. Jany razyšlisia
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary