Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam
Biełarus Andrej žyvie ŭ horadzie Chjustan amierykanskaha štata Techas i pracuje ŭ vialikaj enierhietyčnaj kampanii. Techas — tradycyjna «čyrvony štat», dzie bolšaść padtrymlivaje respublikancaŭ. Sam Andrej nie fanat Trampa. Ale razumieje, čamu mnohim padabajecca jaho palityka. Jon dzielicca svaim bačańniem, čamu rašeńni Trampa zrazumiełyja amierykancam.
«Šmat chto chacieŭ by, kab vytvorčaść viarnułasia ŭ Štaty, ale mała chto choča pracavać na zavodzie»
Andrej žyvie ŭ ZŠA amal 30 hadoŭ. U Techas jon pierajechaŭ ź inšaha štata ŭ 2001-m, znajšoŭšy tam pracu.
Techas choć i respublikanski štat, ale siudy pierajazdžajuć i demakraty — naprykład, supracoŭniki IT z Kalifornii, tamu što ich kampanii pieravodzili svaje apieracyi ŭ Techas praz bolš spryjalnyja ŭmovy padatkaabkładańnia.
«Treba razumieć, što vialikija harady ŭ Techasie zaŭsiody hałasavali za demakrataŭ — toj ža Chjustan, Ościn, Dałas. Hetym razam taksama. Ale ŭ sielskaj miascovaści i małych haradach ź vialikaj pieravahaj zvyčajna pieramahajuć respublikancy.
U haradach zvyčajna žyvie bolš emihrantaŭ — afraamierykancaŭ, łacinasaŭ. I heta adna z pryčyn, čamu demakraty pieramahajuć u haradach. A ŭ pryharadach i sielskaj miascovaści žyvuć biełyja amierykancy, jakija prytrymlivajucca bolš kansiervatyŭnych pohladaŭ», — tłumačyć jon.
Andrej dzielicca, što ŭ jaho jość znajomyja, jakija hałasavali za Trampa, i jon nie čuŭ, kab niechta ź ich rasčaravaŭsia.
«Ja čuŭ, što asoba Trampa šmat kamu nie padabajecca, ale kali pahladzieć na palityku, jakuju jon prapanoŭvaŭ, to heta nabor rašeńniaŭ, jakija padabajucca typovamu respublikancu».
Ź niadaŭnich našumiełych rašeńniaŭ Trampa — uviadzieńnie dadatkovych taryfnych stavak na tavary ź inšych krain. Biełarus, jaki žyvie ŭ ZŠA, u hetym kroku dziŭnaha nie bačyć — Tramp jašče 30 hadoŭ tamu vykazvaŭ padobnyja dumki.
«Jon ličyć, što z taryfami zavody i fabryki viernucca ŭ Złučanyja Štaty. Tak heta ci nie — vialikaje pytańnie. Šmat chto chacieŭ by, kab vytvorčaść viarnułasia ŭ Štaty, ale mała chto choča pracavać na zavodzie.
Ale Tramp davoli stary čałaviek, jon krychu zachras u 1980-ch hadach, mnie padajecca. Žalaziaki rabić ci vopratku šyć nie ŭdasca, chutčej za ŭsio, u Złučanych Štatach, bo budzie kaštavać daražej. Ale jon, dumaju, kali ŭvodzić taryfy, nie choča, kab ludzi płacili bolš. Jon choča za karotki čas źniščyć kankurentaŭ i prymusić kampanii pieranieści vytvorčaść u Złučanyja Štaty. Ale dla hetaha nieabchodnyja vialikija inviestycyi, i heta zojmie nie try miesiacy, a niekalki hadoŭ».
Da taho ž ekanomika Złučanych Štataŭ ličycca postyndustryjalnaj, a značyć niama sensu šyć krasoŭki ŭ tym ža Techasie, kali vyhadniej heta rabić u Vjetnamie.
Na kampanii, dzie pracuje Andrej, novyja taryfnyja staŭki adbilisia niamocna.
«U biznesie, u jakim ja pracuju, jość niejkija pastaŭki z Kanady, ale nieistotnyja. Pieranosić vytvorčaść z Kanady ŭ Złučanyja Štaty ci mianiać pastaŭščyka my nie staniem».
«Šarahovaha amierykanca značna bolš cikaviać vyniki biejsbolnych hulniaŭ i košt chleba, jajek i bienzinu»
Što da Kitaja, to i respublikancy, i demakraty ličać jaho hałoŭnym zamiežnapalityčnym praciŭnikam.
«Jany niejkim čynam chacieli b abmiežavać mahčymaści dla Kitaja i zrabić tak, kab u supraćstajańni pieramahli Złučanyja Štaty, — dzielicca nazirańniami Andrej. — Tramp ličyć, što kiepska płacić vialikija hrošy kitajcam. Ale, viadoma, nichto nie choča i płacić 2500 dalaraŭ za ajfon — voś i Tramp užo źniaŭ myty z elektroniki».
Z prychodam Trampa istotna źmianiłasia zamiežnaja palityka Štataŭ. Zakryłasia USAID, spyniena finansavańnie «Hołasu Amieryki» i pad pytańniem los «Radyjo Svabody». ZŠA adrakajecca instrumienta miakkaj siły ŭ niekatorych rehijonach. Ale šarahovaha amierykanca mała cikavić prasoŭvańnie demakratyi niedzie daloka za miažoj, tłumačyć Andrej.
«Šarahovaha amierykanca značna bolš cikaviać vyniki biejsbolnych hulniaŭ i košt chleba, jajek i bienzinu. Tamu tut, dumaju, Tramp znojdzie vielmi mała supracivu ŭnutry Złučanych Štatach, tamu što heta bolš cikaviła amierykanskija elity, a nie šarahovych žycharoŭ.
Tramp i jaho kamanda — heta izalacyjanisty, tamu hetyja dziejańni vielmi łahičnyja ź ich punktu hledžańnia».
A što amierykancy dumajuć pra Departamient efiektyŭnaści ŭrada (DOGE) ź Iłanam Maskam, jaki sprabuje skaracić upraŭlencaŭ i vydatki?
«Sapraŭdy vydatki treba skaračać. Bolš čym 25% vydatkaŭ biudžetu Złučanych Štataŭ ździajśniajucca za košt pazykaŭ. Davodzicca ŭžo šmat dziesiacihodździaŭ pavialičvać dziaržaŭny doŭh. I heta pavinna spynicca.
Ale kali pahladzieć na biudžet, vialikaja jaho častka — heta piensijnyja vydatki, miedycyna, abarona. A skaračać ich niama palityčnaj voli. Tamu skaracili «Radyjo Svaboda». Ale prablemy deficytu biudžetu heta nie vyrašyć. Usio toje, što Mask parezaŭ, — heta niejkija kapiejki. Spačatku Mask chacieŭ skaracić vydatki na dva tryljony dalaraŭ, potym kazaŭ pra adzin tryljon. Na samoj spravie skaracili na 200 miljardaŭ».
Samyja papularnyja rašeńni Trampa
Najbolš papularnyja rašeńni Trampa, dzielicca nazirańniami biełarus, — heta ŭzmacnieńnie kantrolu nad miažoj i departacyja nielehalnych mihrantaŭ.
Niadaŭna ŭ Štatach byŭ skandał nakont vysyłki hramadzianina Salvadora Abreha Harsii ŭ turmu na radzimu. Sud štata Meryłend pryznaŭ hetu departacyju niezakonnaj, bo ŭ Salvadory mužčynu pahražaje pieraśled miascovych band. Viarchoŭny sud z hetym pahadziŭsia. Administracyja Trampa taksama pryznała, što mieła miesca administracyjnaja pamyłka. Ale samo rašeńnie jany ličać pravilnym — Harsija źviazany z kryminalnaj bandaj MS-13 (adnoj z samych žorstkich mižnarodnych arhanizavanych złačynnych hrupovak, u ZŠA ličycca terarystyčnaj arhanizacyjaj).
«Ciapier palityčny skandał — demakraty patrabujuć viarnuć hetaha čałavieka.
Mierkavańnie, jakoje ja čuŭ, — ci heta taja hara, na jakoj demakraty chočuć zahinuć? Toje, što Tramp robić, mahčyma, supraćzakonna, ale ž heta publicy padabajecca. Tamu jon jašče raz parvie demakrataŭ, kali jany buduć adstojvać hetaha čałavieka. Jon moža skazać: voś jany nie zmahajucca za amierykanskich hramadzian, a ja zmahajusia», — tłumačyć mužčyna.
Ale ZŠA — kraina mihrantaŭ. Jak Trampu ŭdajecca łaviravać u hetaj temie?
«Ja b adkazaŭ, što pakul niehatyŭ Trampa fakusujecca na samych niepryjemnych katehoryjach mihrantaŭ. Naprykład, udzielnikach złačynnych hrupovak», — zaŭvažaje Andrej.
A što nie tak z demakratami?
Biełarus razumieje, čamu mnohija hałasavali za Trampa. Palityk prapanuje lohkija rašeńni i ŭmieje ačaravać ludziej.
«Jon dobry akcior i šoŭmien, jon vielmi sapraŭdny, jon padajecca ludziam svaim.
Jon što dumaje, toje i kaža — i heta vielmi impanavała ludziam».
Sam Andrej miarkuje, što palityka Trampa moža zrabić Štaty bolš aŭtarytarnymi.
«Nakolki ŭdasca ŭ Trampa pieramahčy ŭ baraćbie z sudami ci niejkimi instytucyjami, ciažka skazać, ale dumaju, što častkova pieramohi ŭ jaho buduć. Mnie asabista padajecca toje, što jon robić, niebiaśpiečnym. Ale možna mierkavać, što šyrokaja amierykanskaja publika da takoha mierkavańnia jašče nie pryjšła. Tramp vielmi niepradkazalny.
Dumaju, mnohija razvažali: «My bačyli Trampa viersiju 1.0», — i čakali niečaha padobnaha. Ale viersija 2.0 vielmi mocna adroźnivajecca.
Respublikancam padabajecca, ale ja čytaŭ, što siarod niezaležnych vybarščykaŭ, značnaja častka jakich hałasavała za Trampa, jaho papularnaść mocna źniziłasia».
Pry hetym palityku demakrataŭ surazmoŭca taksama ličyć škodnaj i pamyłkovaj.
«Adbyvajecca razbałansavańnie sistemy — samyja ekstremalnyja hałasy sprava i źleva bolš čuvać. I, naprykład, kali zaraz pahladzieć, chto źjaŭlajecca lidarami supracivu — heta piersanažy ź vielmi lavackimi pohladami, jakija majuć kiepskuju reputacyju siarod bolšaści vybarščykaŭ. Naprykład, Bierni Sanders, jaki ŭ svoj čas jeździŭ u Saviecki Sajuz, Elizabiet Uoren. Kali heta toj supraciŭ, jaki spynić Trampa, mahčyma, nas buduć čakać jašče bolšyja prablemy, kali niechta taki pieramoža na nastupnych vybarach.
Z kožnym elektaralnym cykłam majem usio horšy stan. Mahčyma, paśla Trampa majatnik kiniecca ŭ ekstremalna lavackuju pazicyju».
«Naša Niva» — bastyjon biełaruščyny
PADTRYMAĆ«U jaho što, nie było čornaha kaściuma?» Trampa krytykujuć za prajaŭleńnie niepavahi na pachavańni Papy Franciška
U Biełym domie nazvali «vielmi praduktyŭnaj» karotkuju sustreču Trampa i Zialenskaha
«Susiedziaŭ turbuje tolki aŭtarynak». Biełarus z Techasa raskazaŭ pra nastroi ŭ štacie, dzie «kožny sabaka za Trampa»
Biełarus raskazaŭ, jak novyja handlovyja taryfy ZŠA adbilisia na pracy jaho zavoda ŭ Techasie
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki5
Kamientary
primierno tožie samoje, čto i u nas 30 let nazad. problema v tom, čto u nas, v otličije ot nich, vybor u ludiej otniali.. śliškom mołodaja była "diemokratija".
a TAM - poka niet, no tožie chotieli by.
Biazhłuździca niejkaja. Klikać afraamierykancaŭ emihrantami - heta nie viedać historyju ZŠA. Tady ŭžo ŭsich amierykancaŭ, u tym liku biełych, treba emihrantami klikać. Toje ž pra hispanics - šmat chto ź ich naradzilisia i vyraśli ŭ ZŠA, u adroźnieńnie ad hieroja artykuła.
Kazać, što biełyja ŭ bolšaści za Trampa - taksama skažać rečaisnaść. Heta zaležyć nie stolki ad koleru skury. Niejkaje sproščanaje ŭjaŭleńnie. Upłyŭ Techasa, vierahodna.
Nu i apafijoz - dalej u artykule, što Tramp nie znojdzie supraćstajańnia. ZŠA padzielenyja litaralna napałovu. A rejtynhi jaho laciać uniz navat siarod respublikancaŭ, asabliva z-za zamiežnaj palityki.