«Sprava «Hazprama»: praciahvajucca zatrymańni, zvalniajuć dziaciej čynoŭnikaŭ, ułady patrabujuć adnavić budaŭnictva «Hazpram Centra»
U mai pačalisia zatrymańni u kołach top-mieniedžmientu «Hazpram transhaz Biełaruś» na fonie admovy ruskich praciahvać niaŭdałaje budaŭnictva «Hazpram Centra». Havorka išła jak minimum pra adnaho z namieśnikaŭ hienieralnaha dyrektara. Jak viadoma «Našaj Nivie», rasśledavańnie spravy praciahvajecca i aryštoŭvajuć novych ludziej, u tym liku tych, chto zvolniŭsia niejki čas tamu.
Budoŭla «Hazpram Centra» pačałasia ŭ 2013 hodzie na miescy śpiecyjalna źniesienaha dla hetaha aŭtavakzała «Maskoŭski» na praśpiekcie Niezaležnaści ŭ Minsku.
Čakałasia, što ŭžo ŭ 2020-m «Hazpram Centr» stanie samym vysokim z funkcyjanujučych budynkaŭ stalicy, ale realnyja vyniki 9 hod rabot abmiežavany fundamientam i karkasam nižnich pavierchaŭ.
«Naša Niva» u detalach paviedamlała pra niaŭdačy na ŭsich etapach ambicyjnaha budaŭnictva.
Čytajcie taksama: Italjanski zabudoŭščyk raźbiraje krany i sychodzić, ambicyjnaja budoŭla «Hazpram-centra» prypynienaja
Čytajcie taksama: Trahikamiedyja na budoŭli «Hazpram-Centra»: abstalavańnie na $20 miljonaŭ sapsavałasia
Čytajcie taksama: Krynicy: «Hazpram transhaz Biełaruś» kančatkova prajhraŭ sierbam sud na $30 miljonaŭ
U sakaviku ruskija kančatkova plunuli na svoj prajekt.
«Z centralha ofisa «Hazprama» ŭ sakaviku pryjšoŭ list ab admovie ad budaŭnictva. Majoraŭ [hiendyrektar «Hazpram transhaz Biełaruś»] paviedamiŭ pra heta vice-premjeru, a jak skazać Łukašenku, jany nie viedali», — kazali nam abaznanyja krynicy.
Supadzieńnie ci nie, ale nieŭzabavie paśla hetaha pačalisia zatrymańni top-mieniedžmientu biełaruskaj dački «Hazprama», jakaja i zajmałasia ŭźviadzieńniem.
Zatrymany byŭ namieśnik hiendyrektara Andrej Šaban, a taksama jašče dvoje mieniedžaraŭ. Papiarednie miarkujecca, što zhadanyja asoby stvaryli kampaniju, praź jakuju pierapradavali abstalavańnie dla patrebaŭ «Hazprama» pa zavyšanych cenach.
Ciapier ža stanovicca viadoma, što zatrymańni adbylisia i siarod tych mieniedžaraŭ, jakija zvolnilisia niekalki miesiacaŭ tamu.
Zatrymanyja raniej dahetul siadziać u SIZA.
Čytajcie taksama: Krynicy: Aryštavanyja top-mieniedžary biełaruskaj dački «Hazprama»
«Pry hetym, na fonie ŭsich zatrymańniaŭ, Minharvykankam kaža, što vosieńniu jany čakajuć adnaŭleńnia budaŭnictva!» — kažuć nam supracoŭniki kampanii.
«Razam z hetym Maskva dasłała novaha načalnika karparatyŭnaj biaśpieki, jaki ŭziaŭsia vyčyščać kadry i karupcyjanieraŭ na svoj hust. Adnačasova z hetym pastupili śpisy z KDB z kamandaj vyčyścić usich, chto zaśviaciŭsia na mitynhach. Pa ironii losu, u śpisach akazaŭsia syn adnaho z byłych namieśnikaŭ ministra, jamu nie praciahvajuć kantrakt, — patłumačyli nam abaznanyja krynicy. — Nie viedaju, ci realna čakać adnaŭleńnia budaŭnictva da vosieni. Imavierna — nie, i sprava nie tolki ŭ čystkach».
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki5
Kamientary