Ci roźniacca burhiery z «Makaŭ» u Biełarusi, Litvie, Polščy i Hruzii? Pamierali ź liniejkaj
Za apošnija miesiacy biełaruski «Makdonalds», jaki staŭ biezymiennym, niaredka stvaraŭ nahody dla navin. Ci źmianilisia z sychodam brenda sami burhiery? Niekatoryja skardzilisia, što jašče da pierajmienavańnia restarana jany byccam ssochlisia i stali mienšymi. Paraŭnali pamier i skład standartnaha čyzburhiera ŭ čatyroch krainach.
Biełaruś
Biełaruski čyzburhier užo nie vielmi karektna nazvać makdonaldsaŭskim. Ale ž vyhladaje jon pa-raniejšamu, tolki što z pakunka źnik łahatyp viadomaj sietki restaranaŭ.
Cana — 3,5 rubla. Skład typovy dla čyzburhiera: dźvie pałovy bułki, katleta, syr, cybula, sous i hurok. Praŭda, hurka paškadavali — usiaho adzin kavałačak.
Dyjamietr čyzburhiera prykładna 8,7 sm.
Polšča
Hety čyzburhier našy čytačy kupili ŭ polskich Katavicach, kaštuje jon 5,9 złotaha (kala 3,7 biełaruskaha rubla).
Dyjamietr polskaha burhiera — prykładna 8,5 sm, vyšynia — kala 3,5 sm. Inhredyjenty i ich kolkaść takija ž, jak i ŭ biełaruskim — hladzicie sami. I hurka taksama paškadavali.
Litva
Čyzburhier rodam ź Vilni. Tut taksama vytrymany ŭvieś nabor, ale ž hurok vyhladaje tančejšym za polski.
Dyjamietr bułki — kala 8,5 sm, vyšynia prykładna 4 sm. Kaštuje vilenski burhier 1,3 jeŭra, abo 3,8 rubla.
Hruzija
Apošniaha kandydata dla paraŭnańnia nabyli ŭ Tbilisi. Vyhladaje jon standartna, usie inhredyjenty na miescy, taksama pakładzieny adzin kavałačak hurka. Taki ž dyjamietr, jak i ŭ papiarednich, — 8,5 sm.
Cana, u paraŭnańni z astatnimi, šakuje — zvyčajny čyzburhier u Hruzii kaštuje 5,45 łary, abo 4,9 biełaruskaha rubla.
Atrymlivajecca, što biełaruski čyzburhier pakul samy tanny. Što da pamieru, to kali jon i pamienšaŭ, to nie tolki ŭ biełaruskich restaranach.
A kolki burhieraŭ moža kupić čałaviek za siaredni zarobak u krainie? Hruzija pa hetym paramietry najhoršaja. Ale i Biełaruś adstaje ad Polščy i Litvy amal u dva razy.
Čytajcie taksama:
«Panski» i «Šlachiecki» burhiery ŭ byłych «Makdonaldsach» pratrymalisia tolki try dni
Nazvy burhieraŭ u byłych «Makdonaldsach» pamianiali z-za čatyroch łustačak ahurkoŭ
Krynicy: Łukašenka davieryŭ «Makdonalds» Aleksinu
-
Ekanamist Dźmitryj Kruk daje piesimistyčny prahnoz dla biełaruskaha biznesu. U pradprymalnikaŭ try varyjanty
-
Jak ułady čarhovy raz pravalili płany ŭ sielskaj haspadarcy
-
Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ11
Kamientary