Litaratura11

Ryhor Baradulin: vialikaja spadčyna vialikaha biełarusa. Novaje VIDEA na jutub-kanale Andreja Chadanoviča

Novy hieroj videa na jutub-kanale Andreja Chadanoviča — narodny paet Biełarusi Ryhor Baradulin. Havorka pra litaratara, jaki ŭvasablaje saboj biełaruskuju movu i kulturu. 24 lutaha dziadźku Ryhoru spoŭniłasia b 88 hadoŭ.

Siońnia paet raskazvaje:

  • jak Baradulin źbiraŭ narodnyja biełaruskija praklony;
  • što takoje pachvała ad paeta i jak heta adhukałasia na jaho siabrach;

  • jak vyhladajuć vobrazy baćki i maci ŭ paezii Baradulina;

  • čamu tvory kłasika dobra kładucca na muzyku;

  • jak francuzski paet Hijom Apaliner źjaviŭsia ŭ vieršach Baradulina i pryčym tut ałkahol;

  • za što Baradulina vyłučyli na Nobieleŭskuju premiju;

  • jak Chadanovič staviŭsia da vierša «Treba doma byvać čaściej» i što źmianiłasia ŭ 2020 hodzie.

Voś niekalki dumak ź videa:

Baradulin — tvorca, jakomu zaŭsiody baleła, kab Biełaruś razmaŭlała pa-biełarusku, jaki z bolem usprymaŭ nastupstvy kałanizacyi, savietyzacyi, abrusieńnia, i jak moh, časam złoj satyraj aščervaŭsia i adbrechvaŭsia ad hetaha ŭsiaho.

My ŭsmak najelisia erzacu
I nasłužylisia panam.
Na movie rodnaj
Ahryzacca —
Adno,
Što zastałosia nam!

Zaŭsiody z peŭnaj naściarožanaściu staviŭsia da vierša «Treba doma byvać čaściej». Ź vialikaj pavahaj, ale biez asablivaj piersanalnaj lubovi. Moža być, tamu što adnosiŭ siabie da inšaha pakaleńnia biełarusaŭ, dla jakich viartańnie dadomu — heta viartańnie ŭ šmatpaviarchovy horad. Ale štości joknuła padčas vosieńskich pratestaŭ 2020 hoda, kali ludzi, jašče ŭčora nieznajomyja miž saboj, pačali vychodzić na padvorki i ŭ skviery zavaryć harbatu i kavu, zaprašać da siabie muzykaŭ, lektaraŭ i navat paetaŭ. Jašče macniej zabaleła i prabivaje na ślozy, kali pačynajem być raskidanyja pa śviecie. Znakamity vierš Baradulina moža zrabicca simvałam taho, jak my nosim u sabie Biełaruś. I ŭsio, što robim u Litvie, u Polščy, u Hruzii, urešcie, maje na mecie naša viartańnie dadomu.

Za miesiac da śmierci ŭ lutym 2014-ha Ryhor Baradulin pryśviaciŭ karotki vierš svajmu ŭkrainskamu siabru i kalehu Dmytru Paŭłyčku. Pryśviaciŭ, bo zachopnickaja vajna Rasii suprać Ukrainy pačałasia nie ŭ 2022-m, a jašče ŭ 2014 hodzie. Simvalična, što 24 lutaha, dzień pačatku novaha vitka vajny, supadaje z dniom narodzinaŭ Ryhora Baradulina.

Spłyvie pa Dniapry
Nabrydź,
Navałač,
Chluś.
Majdan praź viaki
Pryvitaje bylina.
Nie schilić čało
Spadarynia Biełaruś,
Niezaležnaja, jak žyćcio,
Neńka Ukraina.

U časy nastupleńnia ciemry, u časy źniščeńnia ŭsiaho biełaruskaha trymajemsia svaich litaraturnych zorak, jakija pakinuli paśla siabie vialikuju biełaruskuju spadčynu. Hladzim razam novaje videa Andreja Chadanoviča pra narodnaha paeta Ryhora Baradulina, stavim padabajki, kamientujem i dzielimsia ź siabrami i siabroŭkami.

Hladzicie taksama:

Don Žuan — sałodkahałosy spakuśnik ci cyničny monstr? Novaje VIDEA na jutub-kanale Andreja Chadanoviča

Andreju Chadanoviču — 50! Paezija, jakaja zaŭždy daje nadzieju. Novaje VIDEA na jahonym aŭtarskim jutub-kanale

Siarhiej Piasiecki: litaraturny hienij i kantrabandyst na miažy padzielenaj Biełarusi. Novaje VIDEA na kanale Andreja Chadanoviča

Kamientary1

  • Anatol Starkou
    02.03.2023
    SYN ZIAMLI
    .
    Z zorkaj bosymi jšli naciańki,
    Bo spaźnicca bajalisia duža:
    U dzień paeta narodnaha,
    Druža,
    Dzie stupali - ćvili vasilki.
    .
    Ich źbirali ŭ žyvyja radki
    Vieršaŭ i epihram ledź kalučych...
    Tolki jak zhavarycca,
    Kali
    Pieradać vieku pach ich hajučy,
    Pieraśpieły słaniečnik, skažy!
    .
    “Uśled za soncam bryści vam šče doŭha...”
    .
    Cyn Ziamli
    biełaruskaj darohaj
    zorkaj viečnaju jšoŭ naciańki…
    .
    P.S. © Anatol Starkou
    February 23, 2012 at 10:41pm
    .
    Vierš byŭ napisany da 77-hodzia narodnaha paeta Ryhora Baradulina. Ŭ vieršy vykarastany matyvy niekatorych jaho tvoraŭ i jaho vykaz.

Ciapier čytajuć

Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu22

Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu

Usie naviny →
Usie naviny

«Było padobna, što pačaŭsia paŭnavartasny kantrol». Usich, chto jechaŭ ź Biełarusi ŭ Rasiju i nazad, praviarali vajskoŭcy10

«Zdarova, b*ia». U sieciva trapiŭ dziŭny varyjant vinšavalnaha VIDEA akupacyjnaha čynoŭnika5

Čamu Łukašenka chavaje pazašlubnuju dačku. Tłumačyć Mientusava19

«Bajusia, nočču mohuć pačacca maradziorstvy». Biełarusy Ispanii i Partuhalii raskazali, jak pieražyvajuć hłabalny błekaŭt5

U Homieli «Ruski dom» pad maŭčańnie ideołahaŭ masava razdaje hieorhijeŭskija stužki5

«Ja kažu za Pucina, viedajučy jaho charaktar». Jašče adno vykazvańnie Łukašenki akazałasia pšykam14

Pryčynaj avaryi na jeŭrapiejskich elektrasietkach mahła stać redkaja atmaśfiernaja źjava1

Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam35

90 hadzin u čarzie. Kałaps na miažy z Polščaj praciahvajecca2

bolš čytanych navin
bolš łajkanych navin

Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu22

Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić