Spałučeńnie kłasiki i svavolstva — trendy ŭ mužčynskaj modzie na viasnu i leta 2023
U mužčynskich harderobach hetaj viasnoj kłasika źmiašajecca z sučasnaściu i lohkaj niadbajnaściu. Niekatoryja atrybuty — naprykład, kamizelki — nastalhična viernucca ź niebyćcia. Inšyja — takija jak pastelnyja kaściumy — padšturchnuć da papaŭnieńnia harderobu. Hladzicie samyja cikavyja trendy i abirajcie toje, što vam bližej.
Nieśmiarotnaja kłasika ci namiok na šalenstva? Niezaležna ad taho, jakomu stylu vy addajacie pieravahu, štości ź viasnovych trendaŭ abaviazkova pryjdziecca vam daspadoby, piša Onet.pl. U hetym siezonie dyzajniery vyrašyli nie ryzykavać i viarnucca da koleraŭ i fasonaŭ, pravieranych dziesiacihodździami. Ale heta nie budzie vyhladać banalna.
1. Chaki prosta z 2000 hoda
Kali treba abrać koler, jaki vyznačyć tendencyi mužčynskaj mody sioleta ŭviesnu i ŭletku, heta budzie chaki. Pryhłušana-zialony koler, typovy dla raźviedvalnaj formy ci kamuflažnaj vopratki, — sapraŭdny chit. Nadzieniecie vy skaročanyja nahavicy ŭniseks, padšyvanuju kamizelku ci kašulu — vaš styl u lubym vypadku budzie ŭ trendzie. Kali chočacie dadać vobrazu lohkaści, a zaadno abaranicca ad sonca, — nadzieńcie pa-raniejšamu modny kapialuš-viadro.
2. Poŭnaściu džynsavy «łuk», abo džyns u kvadracie
Całkam džynsavy vobraz u hetym siezonie viartajecca. Heta adnaznačna palehčyć vam vybar viasnovaha harderobu. Usio, što treba, — heta para vašych lubimych džynsaŭ (navat karotkich!) i džynsavaja kašula ci kurtka. Taki «łuk» idealna padydzie jak dla vychadu ŭ śviet ź siabrami, tak i na kožny dzień. Dadajcie da jaho kalarovy spartovy abutak — hety akcent vyłučyć vas z natoŭpu.
3. Kamizelka jak z tatavaj šafy
Viartajucca taksama kamizelki. Hety zabyty pradmiet harderoba, na jaki my časta pabłažliva hladzieli na baćkach i dziadźkach, zaraz samy trendavy. Kamizelki buduć modnyja praktyčna ŭ lubym fasonie. Džynsavyja, padšyvanyja i viazanyja… Nie viedajecie, jak nasić? Nasicie kamizelku sa štodzionnaj kašulaj, bavaŭnianaj teniskaj ci nadziavajcie źvierchu na ŭlubionuju tałstoŭku.
4. Mužčynskaja elehantnaść u pastelnych tonach
Pastelna-žoŭtaja kašula abo śvietła-błakitny kaścium prostaha kroju — nievidavočnyja rašeńni. Ale jany samyja zachaplalnyja i dazvalajuć hulać z modaj! U rešcie rešt, pastel pasuje nie tolki žančynam. Kaścium u takoj kalarovaj hamie budzie vyhladać pa-mužčynsku, kali da jaho dadać niekalki kłasičnych i stylnych aksiesuaraŭ, takich jak elehantnyja tufli abo skurany remień. Nasicie pastelnuju kašulu sa śvietłymi džynsami ci bavaŭnianymi nahavicami i kambinujcie z łofierami.
5. Abutak na ŭsie vypadki žyćcia
Marycie pra abutak, jaki budzie adnolkava dobra vyhladać i padčas pracoŭnaha dnia ŭ ofisie, i na abiedzie ź siabrami, i na viačernim spatkańni? Tady vam mohuć spadabacca sioletnija viasnovyja trendy. Ciapier u modzie zručny i ŭniviersalny abutak, jaki možna nasić jak sa spartyŭnym, tak i z bolš elehantnym adzieńniem. Firmovyja krasoŭki ci stylnyja čaraviki — najlepšyja varyjanty, jakija dapoŭniać mnohija viasnovyja ŭbory. Nie zabyvajcie pra zručnyja i tonkija škarpetki, jakija ŭ lubym viasnovym abutku zabiaśpiečać vam kamfort na praciahu ŭsiaho dnia.
Čytajcie jašče:
Moda ŭ epochu niavyznačanaści. Što my budziem nasić hetaj viasnoj i čamu
Krasoŭki za 50 dalaraŭ: što nosić Zialenski padčas vajny
Kaścium i mašynu ŭziaŭ u baćki. Što za chłopiec «pradaje» aŭtamabil u tyktoku
-
Hrodzienka addała za naroščanyja vałasy amal piać tysiač rubloŭ — za što takija hrošy?
-
«Heta rok-n-roł». Šura Stoŭn aceńvaje načosy łukašystak ź lehiendarnaha artykuła «Našaj Nivy»
-
Vyjšła kniha pra asabistyja zvyčki Makrona, u jakoj nazvali jaho lubimy vodar. Vytvorca vodaru nie vielmi radujecca navinie
Ciapier čytajuć
Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu19
Kamientary