Ciapier i Barbi moža «kuplać biełaruskaje». Mark Formelle pakazaŭ kalekcyju adzieńnia dla lalek
Biełaruski brend Mark Formelle vypuściŭ svaju samuju niezvyčajnuju kalekcyju — i samuju maleńkuju, piša «Anłajnier».
Uvohule, kalekcyi ŭboraŭ dla Barbi — daŭniaja tradycyja luksavych brendaŭ. U rozny čas lalku i jaje siabrovak apranali Versace, Dior, Karl Lagerfeld, Ralph Lauren, Calvin Klein, Givenchy, Roberto Cavalli i Alexander McQueen. Ciapier častkaj hetaj modnaj historyi stali i biełarusy.
U lalečnaj kapsule Mark Formelle — ružovyja i biełyja sukienki, spadnicy, topy, futbołki, viełasipiedki, šorty, sarafany i džempiery.
Barbi-kalekcyja źmiaščaje adsyłki da papiarednich kapsuł brenda. Dyzajniery pieraasensavali papularnyja siezonnyja madeli i pieratvaryli ich u harderoby lalečnaha suśvietu.
«Dla nas heta chutčej mastactva: moda, jak i litaratura, lubić viartacca nazad i refleksavać, brać niešta kultavaje i rabić jaho sučasnym. Tak vyjšła i z našaj kalekcyjaj dla lalek. Ubory atrymalisia stylnymi i jarkimi i achoplivajuć roznyja situacyi — ad prahułki da ramantyčnaj viačery», — raspaviali ŭ Mark Formelle.
Kupić adzieńnie dla Barbi nielha, ale kali vielmi zachočacca, to budzie možna. Usim achvotnym prapanujuć pakinuć zajaŭki, kab paznačyć žadańnie prybrać svaich lalek u biełaruskija aŭtfity. Aŭtar kožnaj tysiačnaj zajaŭki atrymaje mikraadzieńnie ŭ padarunak.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci4
Kamientary