«Z vašaj rytorykaj možna skazać, što i Łukašenka lubić Biełaruś». Słovy Apiejkina ŭ fejsbuku ŭźniali sprečku
Staršynia Biełaruskaha fondu spartyŭnaj salidarnaści Alaksandr Apiejkin apublikavaŭ post, jaki vyklikaŭ dyskusiju pra toje, što ličyć luboŭju da rodnaha kraju, i skončyŭsia zhadkaj pra patryjatyzm Łukašenki.
A pačałosia ŭsio z pasta ŭ fejsbuku pra hurt «Drazdy» i jaho lidara Vitala Karpanava, jakija, jak piša Apiejkin, tvorać nievialikuju historyju. Alaksandr adznačyŭ, što «małaviadomy šyrokaj hłamurnaj publicy biełaruski vykanaŭca abjechaŭ vialikuju kolkaść haradoŭ i miastečak Biełarusi», viadzie svaje kancerty i śpiavaje pa-biełarusku.
«Tak, Karpanaŭ i «Drazdy» śpiavajuć pad ČZ [čyrvona-zialonym ściaham] i dekłarujuć padtrymlivać «stabilnaść». Ale ja dakładna nie mahu zaličyć jaho ŭ prapahandysty. I ŭvieś dzień mianie nie pakidaje adno pytańnie: chto z nas usio ž taki bolš lubić Biełaruś — ja, ty ci Karpanaŭ?» — zadaŭsia pytańniem u kancy Alaksandr Apiejkin.
Mnohija kamientatary nie pahadzilisia z Apiejkinym. Chtości paličyŭ, što Karpanaŭ prosta zarablaje hrošy, zhadali jaho słovy padziaki Łukašenku. Apiejkin u adkaz napisaŭ, što Karpanaŭ zdajecca jamu sumlennym čałaviekam, jaki lubić Biełaruś, ale pa-svojmu.
A dalej sprečka zajšła ŭ inšaje rečyšča.
Kinakrytyk Taras Tarnalicki zrabiŭ Apiejkinu zaŭvahu:
«Nu z vašaj rytorykaj možna skazać, što i Łukašenka lubić Biełaruś, ale svojeasabliva».
Apiejkin adkazaŭ:
«Dyk tak i jość. Ci vy nie ŭ kursie, što isnuje inšy bok Biełarusi?»
U Apiejkina ŭdakładnili:
«To-bok, kali katy vynosili b prysudy pa-biełarusku, to jany b taksama ŭnosili niešta ŭ biełaruščynu?»
«Heta pierachod u inšaje łahičnaje vymiareńnie», — adreahavaŭ Alaksandr. «Karpanaŭ nie nakidvaŭ nikomu viaroŭki», — dadaŭ spartoviec.
«Naša Niva» paprasiła Apiejkina patłumačyć jaho adkaz pra Łukašenku. Toj adpisaŭ, što nie kamientuje pazicyju Łukašenki i nie cikavicca jahonym žyćciom.
Hurt «Drazdy» — biełaruskamoŭny kalektyŭ. Jaho pieśnia «Chata baćkoŭ», dzie śpiavajecca, što rodnaja chata nie pradajecca, stała chitom, u jutubie ŭ hetaha klipa 1,9 młn prahladaŭ. Hurt niadaŭna krytykavali niekatoryja łukašenkaŭskija aktyvisty. Prapahandyst Mikita Račyłoŭski na poŭnym surjozie prapanoŭvaŭ zabaranić «Drazdy», bo «muzyki niezrazumieła siabie pavodziać z hledzišča ideałohii».
«Naša Niva» — bastyjon biełaruščyny
PADTRYMAĆHladzicie taksama:
Tur pa Rasii i ŭznaharody ad milicyi. Što adbyvajecca ŭ žyćci praŭładnych biełaruskich zorak?
Što saboj ujaŭlaje i z kaho składajecca sietka rasiejskaha ŭpłyvu ŭ Biełarusi
Kamientary