«Małočnaja sprava»: u čym abvinavačvajuć hiendyrektara «Babuškinoj krynki»
Dva tydni tamu «Naša Niva» paviedamlała pra chvalu zatrymańniaŭ siarod mieniedžmientu dziaržaŭnych małočnych zavodaŭ. U pryvatnaści, było zatrymana kiraŭnictva «Babuškinoj krynki». U tym liku i jaje hienieralny dyrektar Hienadź Skitaŭ.
Jak stała viadoma «Našaj Nivie», siarod supracoŭnikaŭ papularnaja viersija, što Hienadzia Skitava mohuć abvinavačvać u atrymańni vialikaha chabaru. Havorka idzie pra miljon rubloŭ za adhruzku pradukcyi zavoda trejdaram.
Čytajcie taksama: Zatrymanyja kiraŭniki adrazu niekalkich małakazavodaŭ
Aficyjnaj infarmacyi pra heta niama. «Naša Niva» viedaje z krynic u halinie, što zatrymany byli niekatoryja trejdary i dylery małočnaj pradukcyi, jakija pracavali ź dziaržaŭnymi zavodami.
Surazmoŭcy «Našaj Nivy» kažuć, što śledčyja ličać Hienadzia Skitava mahčymym hałoŭnym bienieficyjaram «małočnaj zmovy».
Siońnia, 14 listapada, Alaksandr Łukašenka zakranuŭ hetuju temu, sabraŭšy ŭ siabie siłavikoŭ. Staršynia KDB Ivan Cierciel, było zatrymana 26 čałaviek, na ciapierašni momant 15 aryštavany.
Čytajcie: 26 čałaviek zatrymanyja. Łukašenka raspavioŭ pra «małočnuju spravu»
«Šlacham podkupu asobnyja kamiersanty atrymlivali prava pieršačarhovaha raźmierkavańnia małočnaj pradukcyi (masła, syroŭ, inšaj małočnaj pradukcyi) na svaju karyść z mahčymaściu zakupki pa canie nižejšaj za ŭstanoŭleny indykatyŭ», — raspavioŭ Łukašenka.
Padobnaje było, naprykład, u «cukrovaj spravie», pa jakoj zatrymlivali dyrektaraŭ cukrovych zavodaŭ.
Tam adnym z mahistralnych abvinavačvańniaŭ było toje, što paśla stvareńnia «Biełaruskaj cukrovaj kampanii», jakaja miełasia realizoŭvać cukar, jaje kiraŭnictva vybirała kontrahientaŭ pa karupcyjnych schiemach, a ŭziać tavar biez adkatu było niemahčyma.
Što datyčyć małaka, to Biełaruś vyrablaje ŭ razy bolš małaka, čym spažyvaje ŭnutrany rynak. Asnoŭnyja hulcy na rynku pierapracoŭki małaka — dziaržaŭnyja zavody. Svaju pradukcyju jany pradajuć u asnoŭnym na rasijski rynak.
Sprava realizacyi dziaržaŭnaj pradukcyi na źniešnija rynki amal va ŭsich śfierach tradycyjna nieprazrystaja. U niekatorych vypadkach režym premiruje patrebnych ludziej za łajalnaść mahčymaściu brać na zavodach tannuju pradukcyju i pradavać jaje doraha za miažu.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary