Biełaruskija kalendary na 2024 hod: fantastyčny vybar jak unutry Biełarusi, tak i za miažoj
My znajšli infarmacyju pra dvanaccać vydańniaŭ, ale, mahčyma, nie ŭsie zaŭvažyli. Vializny vybar kalendaroŭ na nastupny hod, da jakoha zastajecca niejki tam miesiac z chvościkam.
Adryŭny kalandar «Mova volnych» prapanuje słoŭničak biełaruskaj movy ź pierakładam roznych słoŭ na anhlijskuju i jašče paŭsotni inšych moŭ. Da 25 listapada pa pieradzakazie možna nabyć kalandar za 89 złotych (73 rubli), a paśla ŭžo daviadziecca vykłaści 99 złotych (82 rubli). Dasyłać kalendary pačnuć 1 śniežnia.
Svoj naścienny kalandar prapanoŭvaje i prajekt «Nišo», jaki stvaraje adkryty słoŭnik biełaruskaha słenhu. Za papiarovuju viersiju, na jakuju možna zrabić pieradzakaz, daviadziecca vykłaści 25 jeŭra (90 rubloŭ). Ale PDF-viersiju kalendara, jakuju paśla možna razdrukavać, možna atrymać prama ciapier usiaho za 5 jeŭra (18 rubloŭ).
Adryŭny «Prostyja kroki», prezientavany Oz.by, znajomić ź biełaruskaj movaj i kulturaj. Na staronkach pryvodziacca prostyja parady, jak dakranucca da biełaruskaj movy ŭ paŭsiadzionnym žyćci, kala 500 biełaruskich słoŭ, abjadnanych u tematyčnyja słoŭniki, moŭnyja hulni, jakija dapamohuć viesieła bavić čas ź siamjoj i siabrami, vieršy, matyvacyjnyja vysłoŭi, a taksama karotkija bijahrafii vybitnych biełarusaŭ ad Rahniedy da Vasila Bykava. Kalandar možna nabyć na sajcie za 65 rub.
Adryŭny kalandaryk «Lohkaja Mova» vychodzić užo nie pieršy hod. Sioleta znoŭ na kožnaj z 366 svaich staronak (nastupny hod budzie vysakosnym) jon budzie znajomić z samabytnymi biełaruskimi słovami, frazieałahizmami, prymaŭkami, cytatami i skarahavorkami ź pierakładam na anhlijskuju i ruskuju movy. Na staronkach taksama źmieščany jaskravyja karcinki i prykłady ŭžyvańnia słoŭ i vyrazaŭ u mastackaj litaratury.
Kožny kalandaryk źmiaščajecca ŭ padarunkavuju skrynku, u kamplekcie da jaho taksama iduć mahniciki dla macavańnia ŭpadabanych staronak na chaładzilnik.
Košt kalendara składaje 50 rub., pry zakazie ad 10 štuk možna atrymać źnižku 10%. Zakazać možna jak u Biełarusi, tak i za miažu.
Adryŭny kalandar z aptymistyčnaj nazvaj «Moj ščaślivy hod» prapanoŭvaje vydaviectva «Papury». Listy, aformlenyja ilustracyjami i cytatami na kožny dzień, pasujuć taksama dla štodzionnych zapisaŭ. Kalandar raspaŭsiudžvajecca z padarunkavaj skrynkaj i maje padstaŭku na mahnitach.
Kalandar za 60,28 rub. možna zakazać na Wildberries.
Dziaržaŭnaje vydaviectva «Biełaruś» prapanoŭvaje kłasičny adryŭny kalandar «Rodny kraj», u jakim na staronkach nadrukavanyja cikavostki pra Biełaruś, jaje historyju, kulturu, pryrodu, jubilejnyja daty ajčynnych vučonych, piśmieńnikaŭ, aktoraŭ, mastakoŭ i architektaraŭ, tradycyjnyja abrady i zvyčai, apoviedy pra čyrvanaknižnuju fłoru i faŭnu, parady psichołahaŭ, piedahohaŭ, sadavodaŭ i aharodnikaŭ, a taksama recepty pryhatavańnia straŭ nacyjanalnaj i suśvietnaj kuchni.
Cana kalendara, jaki možna nabyć u kramach, składaje ŭsiaho 8 rub.
Naścienny kalandar «Maja niabačnaja Biełaruś», aformleny 12 akvarelami mastački Maryi Karalovaj, pryśviečanych stračanaj architekturnaj spadčynie Biełarusi. Vieličnyja chramy i siadziby supravadžajucca karotkimi histaryčnymi daviedkami.
Kalandar za 15 rub. možna zakazać u internet-kramie z dastaŭkaj.
Krajaznaŭčym vydaviectvam «Ryftur» padrychtavany adrazu dva naściennyja kalendary ŭ sieryi «Płanieta Biełaruś» — pa histaryčnych i pryrodnych miaścinach, jak napisana na vokładkach, dla vašych padarožžaŭ.
Na staronkach pieršaha kalendara pradstaŭleny hałoŭnyja architekturnyja cikavostki krainy — haradziščy, zamki, cerkvy i kaścioły, pakazanyja z vyšyni ptušynaha palotu. Druhi kalandar pakazvaje najbolš dzikija kutki Biełarusi, pryrodu nacyjanalnych parkaŭ, zakaźnikaŭ i zapaviednikaŭ z vyjavami charakternych dla hetych terytoryj ptušak ci źviaroŭ. Usie zdymki vykanany prafiesijnym fotamastakom Siarhiejem Płytkievičam, jaki kiruje vydaviectvam.
Nabyć kalendary za 22,41 rub. možna ŭ katałohu «Płanieta Biełaruś».
Najbolš biełaruskich kalendaroŭ, zdajecca, było vypuščana vydaviectvam «Technałohija».
Adnym z takich źjaŭlajecca kalandar «Łapy i kryły» z fotazdymkami biełaruskich źviaroŭ i ptušak na kožny miesiac, zroblenymi Inaj Subocinaj. Na kožnaj staroncy razam z fota źviaroŭ źmieščany biełaruskaja i łacinskaja nazvy.
Naścienny kalandar-postar aformleny ilustracyjaj ź sieryi «Tałonapis» mastaka Bahdana Daŭhiały možna nabyć za 4 rubli.
Jašče adzin naścienny kalandar «Harady i ludzi» taho ž aŭtara, aformleny detalizavanymi haradskimi piejzažami, jakija možna razhladać biaskonca, pradajecca za 7,65 rub.
Aryhinalny nastolny kalandar prapanoŭvaje mastak Vital Nazarevič, jaki aformiŭ jaho vycinankami na marskuju tematyku, stvoranyja im u 2020 hodzie padčas žyćcia na Čornym mory. Zakazać možna niepasredna na staroncy ŭ mastaka.
«Naša Niva» — bastyjon biełaruščyny
PADTRYMAĆU vydaviectvie «Skaryna» vyjdzie zbornik da 140-hodździa Vacłava Łastoŭskaha
Kniha XV stahodździa, padarunak na viasielle i aŭtohraf Niła Hiejmana. Padviali vyniki konkursu na samyja bujnyja i cikavyja pryvatnyja biblijateki Biełarusi
Pieršaja hiej-antałohija «Malcy vychodziać z-pad kantrolu». Što ŭ joj?
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki2
Kamientary