Łukašenkaŭski błohier pazvaniŭ Cichanoŭskaj i zaprasiŭ na ekskursiju ŭ turmu. Taja daścipna adkazała
Śviatłana Cichanoŭskaja pieryjadyčna pravodzić «pramyja linii» ź biełarusami. Na adnu ź ich patelefanavaŭ praŭładny błohier z Mahilova. Na radaściach jon vykłaŭ častku razmovy z padrychtavanym rozyhryšam, ale zmaŭčaŭ pra toje, što było paśla.
Turystyčny maršrut ad błohiera-łukašysta
Mahiloŭski prapahandyscki kanał vykłaŭ kavałak videarazmovy błohiera sa Śviatłanaj Cichanoŭskaj.
Na im małady čałaviek raspaviadaje, što jon sa svaimi adnadumcami raspracavaŭ nievialiki turystyčny maršrut «pa najlepšych miescach rehijonu» dla Cichanoŭskaj.
«Asabista sustreniem vas, padziakujem za ŭsio, što vy robicie», — kazaŭ małady čałaviek.
Paźniej jon pačaŭ pakazvać razdrukavanyja zdymki sa słovami «tam užo vas čakajuć ź nieciarplivaściu, tam vas lubiać».
Na tych zdymkach błohier pakazvaŭ mahiloŭskuju turmu №4, IČU i 15-ju kałoniju.
Videa zakančvajecca słovami: «Nasamreč voś čakajem ź nieciarplivaściu, spadziajemsia na chutkuju i doŭhačakanuju sustreču».
Što zastałosia za kadram?
Padrabiaźniej pra hetuju razmovu i toje, što zastałosia za kadram, «Našaj Nivie» raskazaŭ Daniił Harkavy, kiraŭnik adździeła źniešnich suviaziaŭ Ofisa Cichanoŭskaj i maderatar «Asabistych razmoŭ» (tak nazyvajucca «pramyja linii» ŭ zumie).
Ź jaho słoŭ, małady čałaviek, jaki pradstaviŭsia Aleham, vykłaŭ mocna abrezany zapis.
«U publičnuju viersiju nie ŭvajšło, naprykład, pytańnie Śviatłany, ci składzie jon joj kampaniju padčas hetych ekskursij pa kałonijach. Paśla hetaha mužčyna rezka adklučyŭsia, tak što my tak i nie daviedalisia adkaz na hetaje pytańnie», — kaža Daniił.
Taksama Harkavy adznačaje, što praŭładny błohier abrezaŭ pačatak razmovy, dzie kazaŭ, što sočyć za navinami, za vizitami, vinšavaŭ Śviatłanu z 8 Sakavika.
Śviatłana spakojna adreahavała na hetuju situacyju.
«My prosta praciahnuli padklučać nastupnych pa čarzie ludziej i razmaŭlać ź imi. My, u adroźnieńnie ad łukašystaŭ, nie zakryvajemsia ad ludziej i nikoha nie adsiejvajem na etapie rehistracyi (akramia tych, chto ŭžo telefanavaŭ Śviatłanie raniej — kab dać mahčymaść pahavaryć sa Śviatłanaj jak maha bolšaj kolkaści ludziej)», — raskazaŭ Daniił.
Raniej padobnym čynam sa Śviatłanaj razmaŭlaŭ Azaronak.
«Padobna na toje, što łukašenkaŭskija błohiery sočać za našym paradkam dnia i naša dziejnaść nie daje im spakoju».
Što da «Asabistych razmoŭ», to ŭ Ofisie adznačajuć, što buduć radyja razmaŭlać z usimi biełarusami niezaležna ad ich palityčnych pohladaŭ. Hetyja zvanki pradstaŭniki Ofisa nie zapisvajuć i ŭ publičnuju prastoru nie vykładajuć. Vyklučeńniem była razmova z Azaronkam, jakoha jašče ŭ samym pačatku papiaredzili, što z ulikam jaho reputacyi budzie vieścisia zapis. Pry hetym była damoŭlenaść, što zapis nie budzie apublikavany, kali Azaronak nie budzie vykarystoŭvać svoj u publičnaj prastory.
Kožny raz na «Asabistyja razmovy» chacia b adzin-dva čałavieki telefanujuć z terytoryi Biełarusi.
«Naša Niva» — bastyjon biełaruščyny
PADTRYMAĆ«Bi-2» zapościli fota ź Cichanoŭskaj i paabiacali vystupić u Minsku paśla pieramohi
Čarhovaja pravakacyja siłavikoŭ: jany abjavili, što ŭ suviazi z vybarami ŭ Rasii Cichanoŭskaja ŭvodzić płan «Pieramoha»
Śviatłana Cichanoŭskaja i hienieralny sakratar Rady Jeŭropy napisali sumiesnuju kałonku dla Jeŭrańjus
Ciapier čytajuć
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?5
Kamientary