Hramadstva11

Illa Jašyn: Biełaruskija palitviaźni pavinny byli stać častkaj ździełki pa abmienie

«Abaraniajučy rasijskich palitzekaŭ, my pavinny abaraniać biełaruskich. I patrabavać, kab jany taksama traplali ŭ abmiennyja śpisy», — miarkuje rasijski palityk.

Asudžanyja na 10 i 11 hadoŭ adpaviedna Maksim Znak i Maryja Kaleśnikava. Fota: Ramil Nasibulin/BelTA pool photo via AP, File

Vyzvaleny ŭ vyniku abmienu rasijski apazicyjanier Illa Jašyn miarkuje, što biełaruskija palitviaźni pavinny byli być častkaj ździełki i atrymać svabodu. Pra heta jon zajaviŭ 7 žniŭnia na sustrečy sa svaimi prychilnikami ŭ bierlinskim Maŭerparku. Vystup tranślavaŭ telekanał «Doždž», a Reform.news zanatavaŭ skazanaje Jašynym pra biełaruskich palitviaźniaŭ.

«Słuchajcie, voś ja ščyra mahu vam skazać, što ja vielmi asabista pieražyvaju toje, što adbyvajecca ŭ Biełarusi… i va Ukrainie, i ŭ Biełarusi… bo abiedźvie hetyja krainy mnie nie čužyja. Ja vielmi lublu i Ukrainu, i Biełaruś, šmat razoŭ tam byŭ, u mianie siabroŭ šmat i… bolš za toje, ja ŭ Biełarusi — vy budziecie śmiajacca — navat pasiadzieć paśpieŭ. Voś u hetym znakamitym Akreścina, śpiecpryjomniku. Ja ŭdzielničaŭ u adnoj z akcyj salidarnaści ź biełaruskaj apazicyjaj. Ź biełaruskim narodam, navat nie z apazicyjaj, ź biełaruskim narodam.

Ja paśpieŭ tam pasiadzieć niešta tam 10 ci 15 sutak, ja bačyŭ heta Akreścina znutry. I ja vielmi dobra razumieju, u jakich umovach tam ludzi siadziać. I ja razumieju, što, nasamreč, voś toje što ŭ Rasii adbyvajecca, heta častka taho, z čym sutykajucca palitviaźni ŭ Biełarusi. Nakolki tam dušać, źnievažajuć ludziej. Heta prosta žachliva. I Łukašenka ŭ hetym sensie absalutna niedamaŭlalny. Nu viadoma ž, što pavinny byli być i palitviaźni častkaj hetaj ździełki, biełaruskija palitviaźni.

I my z vami ŭžo daŭno nie viedajem, što tam adbyvajecca z Maryjaj Kaleśnikavaj, što adbyvajecca ź Siarhiejem Cichanoŭskim. Što z hetymi ludźmi. I my z vami pavinny prajaŭlać salidarnaść, jak mnie zdajecca. Heta nie čužaja prablema, heta nie čužaja biada. My ŭsie z vami siońnia ŭ hetym sensie salidarnyja. I ruskija, i biełarusy. Niama čužych palitviaźniaŭ. Heta našy ahulnyja ludzi. Heta ahulnaja biada. I abaraniajučy rasijskich palitzekaŭ, my pavinny abaraniać biełaruskich palitzekaŭ. I patrabavać, kab jany taksama traplali ŭ abmiennyja śpisy.

Prasić cyvilizavany śviet cisnuć na Łukašenku, kab tam prachodzili amnistyi, kab ludziej vyciahvali z turmaŭ. Bo pra rasijskich palitviaźniaŭ my chacia b viedajem, my chacia b viedajem, što adbyvajecca… a što adbyvajecca ŭ zaścienkach u Biełarusi ź miascovymi palitviaźniami?

Dy my navat nie viedajem, ci žyvy Cichanoŭski. My navat nie viedajem, ci žyvaja Maryja Kaleśnikava. I toje što robić hety [kiepski čałaviek] vusaty, heta prosta žachliva. Tamu ja chaču siońnia prosta vykazać salidarnaść ź biełaruskimi palitviaźniami i skazać: «Žyvie Biełaruś».

Kamientary1

  • Vyznačsia, tudy albo siudy
    08.08.2024
    Nahadaju, što sam Jašyn zajaviŭ, što nie chacieŭ vyjazžać z rasiei i (nibyta) źbiraŭsia tudy viarnucca adrazu ž pa prybyćci ŭ Turcyju padčas abmienu. Z Kaleśnikavaj padobnaja situacyja. "Pośle situacii s Olhoj Kovalkovoj my otdielno včietvierom - ja, Rodnienkov, Koleśnikova i Kravcov - obsuždali, čto diełať, jeśli nam priedłožat tot žie vybor, čto i Łatuško i Kovalkovoj: ujechať iz strany ili popasť pod rieprieśsii. I u Marii Koleśnikovoj była čietkaja pozicija, ona ni pri kakich obstojatielstvach nie ujediet iz strany, raźvie čto pod prinuždienijem. Po krajniej mierie, pozavčiera viečierom ona była v etom ubieždiena", - kamientuje Maksim Znak. Padčas prymusovaj departacyi śpiecsłužbami režyma Maryja Kaleśnikava źniščyła svoj pašpart na biełaruska-ŭkrainskaj miažy.

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia16

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia

Usie naviny →
Usie naviny

U Polščy zatrymali biełarusa ź pistaletam — jon skazaŭ, što jedzie vajavać u Biełaruś2

Stała viadoma asoba biełarusa, jakoha padazravajuć u vybuchu ŭ Chanty-Mansijsku2

Ekanamist Dźmitryj Kruk daje piesimistyčny prahnoz dla biełaruskaha biznesu. U pradprymalnikaŭ try varyjanty

Kaho prymuć u ES u najbližejšyja hady?1

Abjadnany pierachodny kabiniet Biełarusi chočuć pryznać «terarystyčnaj arhanizacyjaj»1

U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ19

U Rasii za padrychtoŭku dyviersii suprać rasijskaha vajskoŭca zatrymany biełarus

Biełaruski trenier raskazaŭ, jakuju śmiešnuju zadaču jamu pastavili ŭ čempijanacie Kitaja pa chakiei

«Ledź nie zataptali adzin adnaho». Žychary Mahilova stali ŭ vialikuju čarhu. Što razdavali biaspłatna?9

bolš čytanych navin
bolš łajkanych navin

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia16

Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić