Prapahandysty zrabili intervju ź niekatorymi vyzvalenymi palitviaźniami, ukaz pra pamiłavańnie jakich Alaksandr Łukašenka padpisaŭ 16 žniŭnia.
Jak vynikaje ź siužetu, siarod vyzvalenych — Ksienija Łuckina, Iryna Sankoŭskaja, Volha Novikava.
Ksienija Łuckina — byłaja žurnalistka BT, jakoj prysudzili 8 hadoŭ kałonii. Jana maje ciažkaje zachvorvańnie — puchlinu ŭ hałaŭnym mozhu, pakutuje ad nievynosnych bolaŭ.
59-hadovaja Iryna Sankoŭskaja była asudžana ŭ śniežni 2023 hoda na paŭtara hoda kałonii za kamientary pra Łukašenku i «ździek ź dziaržaŭnych simvałaŭ». Joj udałosia vyjści na try miesiacy raniej.
Volzie Novikavaj 31 hod. U 2022 hodzie jana była zatrymanaja za ŭdzieł u pratestach 2020 hoda i asudžanaja pa art. 342 KK (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Prysud pravaabaroncam nieviadomy.
Jaje 35-hadovy muž Viktar Novikaŭ taksama byŭ vyzvaleny pa pamiłavańni, ale jašče 3 lipienia. Novikavy praviali za kratami bolš čym pa 2 hady, ich termin nieŭzabavie musiŭ skančacca.
16 žniŭnia Alaksandr Łukašenka padpisaŭ ukaz ab pamiłavańni 30 palitviaźniaŭ — 16 mužčyn i 14 žančyn.
U lipieni stała viadoma pra vychad z kałonij 18 palitviaźniaŭ. Ich imiony viadomyja tolki častkova — byli apubličanyja Ryhor Kastusioŭ, Darja Łosik, Palina Pałavinka i jašče niekalki čałaviek.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ15
Kamientary
Čas impatentaŭ-prafanataraŭ minuŭ - heć u minułaje, błazny!
Vyzvaleńnie navat častcy palitźniavolenych - heta stanoŭčaja źjava, ale varta pamiatać i nie paddavacca na łukašenkaŭskaju manipulacyju, sutnaść jakoj u tym, što teror nie spyniajecca, a kolkaść faktyčnych palitźniavolennych (bolšaść ź jakich nia maje padobnaha statusa pa roznych čyńnikach) - raście.