Hramadstva1515

Ci sapraŭdy ŭ turmie ŭ Žodzinie ŭ žniŭni 2023 pamior palitviazień? Nie, siamja chłusić

Navina pra śmierć nieviadomaha raniej palitviaźnia raźlaciełasia pa ŭsich biełaruskich ŚMI. Ale, jak vyśviatlajecca, heta infarmacyja, chutčej za ŭsio, niepraŭdzivaja. Pravaabaroncy ź inicyjatyvy Dissidentby źviarnuli našu ŭvahu na dziŭnyja niesupadzieńni ŭ historyi. My znajšli jašče bolej infarmacyi. Pamierły mužčyna, padobna, nie mieŭ dačynieńnia da palityki, a ludzi, jakija raspaŭsiudžvajuć hetuju infarmacyju, sprabujuć padmanuć miedyja.

Vasil C., jakoha vydajuć za pamierłaha palitviaźnia. Fota ź jahonych sacsietak

Ludzi, što pradstavilisia svajakami palitviaźnia, jakich vysyłajuć sa Šviecyi, dasłali pravaabaroncam i žurnalistam daviedku ab śmierci čałavieka, jakoha vydajuć za pamierłaha palitviaźnia. Trapiŭ hety dakumient i ŭ našu redakcyju, ale ŭžo paśla pieršasnaj publikacyi ŭ inšych ŚMI. Takim čynam, havorka idzie pra Vasila Citarenku, 55-hadovaha žychara Minska.

Vyklikała sumnievy jak jakaść daviedki, hetak i poŭnaja adsutnaść infarmacyi pra Vasila ŭ raskładach sudoŭ, choć heta vialikaja redkaść pa niesakretnych spravach.

Daviedka, u jakoj inicyjatyva Dissidentby i były turemny lekar Vasil Zavadski bačać prykmiety padrobki

Našy zdahadki paćvierdziŭ były turemny lekar Vasil Zavadski, ź jakim my pahutaryli:

«Heta nie błank SIZA, ale padpisana jak by načalnikam SIZA. Razam z tym, napisana, što vydana inśpiekcyjaj MUS pa Minsku i Minskaj vobłaści. Niama takoj inśpiekcyi. 

Nie supadajuć i inicyjały načalnika žodzinskaj turmy — jon Strabkoŭ Dźmitryj Mikałajevič, a ŭ daviedcy niejki Ściapkoŭ D.Ju. Piačatku ŭstanovy ciapier padrabić vielmi prosta.

Podpis načalnika vyhladaje padroblenym. Taksama daviedka ab śmierci vydana pamierłamu, heta niemahčyma».

My spraŭdzili i raskłady sudoŭ. Čałavieka z takimi źviestkami niama ani ŭ jakim raskładzie za apošnija dva hady.

Staronka samoha Vasila Citarenki, jakoha vydajuć za palitviaźnia, była aktyŭnaja ažno da pačatku lipienia 2023 hoda, praz 9 miesiacaŭ paśla «prysudu» i praz amal hod paśla «zatrymańnia». Niechta łajkaŭ tam aniekdoty, miemy dy publikavaŭ matyvacyjnyja cytaty. Styl viadzieńnia staronki zusim nie źmianiŭsia paśla mierkavanaha «zatrymańnia» Vasila.

Adzin z apošnich łajkaŭ na staroncy Vasila, jaki datujecca 3 lipienia 2023 hoda. Skrynšot sa staronki

Źviarnuli my ŭvahu i na toje, što tyja, chto vydajuć siabie za svajakoŭ Vasila, kazali, što jaho zatrymali ŭvosień 2022-ha hoda. I ŭžo praz paru miesiacaŭ prysudzili try hady kałonii ažno pa piaci artykułach. Navat bytavyja spravy ab kradziažy redka razhladajucca tak chutka, nie kažučy pra palityčnyja spravy.

Bolš za toje, «Viasna» źviarnuła ŭvahu, što za «zakliki da sankcyj» pavodle artykuła 361 KK pačali sudzić tolki z 2023 hoda — užo paśla vyniasieńnia «prysudu» Vasilu Citarenki. Da taho ž paviedamlałasia, što jaho sudziŭ adzin z rajonnych sudoŭ, ale takija spravy zvyčajna razhladajuć vyšejšyja sudy.

Fota mahiły mužčyny sapraŭdnaje. Takim čynam, najchutčej, Vasil Citarenka sapraŭdy pamior i my spačuvajem jaho rodnym. Ale vyhladaje tak, što jon nie byŭ źviazany z palitykaj i nie źjaŭlaŭsia palitviaźniem.

Padobna, što tyja, chto raspaŭsiudžvajuć hetuju infarmacyju, paprostu chłusiać.

Jakaja meta ludziej, jakija chočuć takim čynam zhulać na boli biełarusaŭ — nieviadoma. Mahčyma, jany raźličvali, što z takoj historyjaj im daduć prytułak u Šviecyi.

@nashaniva Šviecyja admoviła biełarusu ŭ prytułku — jaho aryštavali na radzimie #biełaruś #šviecija #minsk #hranica #miaža #šviedy #biełarusy #viza #pojezdka #emihracija #pieriejezd #putiešiestvije #našaniva ♬ Last Hope - Steve Ralph

«Naša Niva» — bastyjon biełaruščyny

PADTRYMAĆ

Kamientary15

  • Chabor
    28.08.2024
    Heta nie admianiaje toj fakt, što Šviedy Biełarusaŭ padstavili i vyhnali naŭprost u biełaruskuju turmu
  • Myš
    28.08.2024
    Dyk, moža, i zatrymańnia na miažy nijakaha nie było?
  • Viertuchaj
    28.08.2024
    Tyražyryvać byłych turemnych lekaraŭ heta samaje apošniaje što možna było zrabić. Byłych turemnych lekaraŭ nie byvaje.

Ciapier čytajuć

Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić

Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić

Usie naviny →
Usie naviny

U Hiermanii zabili aŭtarku biestseleraŭ pra ruskich, kijaŭlanku Alaksandru Frolich

Pahladzicie, jakimi modnymi łakacyjami abzavioŭsia Park Horkaha16

Na Palinu Šarendu-Panasiuk zaviali dźvie kryminalnyja spravy2

33-hadovy biełaruski kikbaksior-čempijon pamior ad redkaj ankałohii7

Aŭtobus ź biełarusami pierakuliŭsia pad Varšavaj1

Jaki pryhožy trend: ludzi pieratvarajuć svaje hazony ŭ niakošanyja łuhi10

Unačy pa usioj terytoryi Biełarusi byli zamarazki, aproč adnaho horada4

Siońnia Radaŭnica — dzień, kali naviedvajuć mahiły prodkaŭ2

U biełaruskaha A1 rekord pa čystym prybytku — 369 miljonaŭ rubloŭ. Ale dziaržava zarabiła na hetym biznesie jašče bolš1

bolš čytanych navin
bolš łajkanych navin

Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić

Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić

Hałoŭnaje
Usie naviny →

Zaŭvaha:

 

 

 

 

Zakryć Paviedamić