U Minsku źjavicca pierasadka na čaćviortuju liniju mietro: da jaje pryjdziecca iści amal 300 mietraŭ
Kolki travałataraŭ pryjdziecca puścić?
Pakul što ŭ Minsku budujecca tolki treciaja linija mietro, choć prajekciroŭščyki rychtujuć užo i płan čaćviortaj, kalcavoj linii.
Na sajcie «Minskhrada» vyjaviŭsia horadabudaŭničy prajekt detalovaha płanavańnia na častku terytoryi ŭ miežach praśpiekta Dziaržynskaha — vulicy Umanskaj — Čyhunačnaj — vulicy Siamaški, zaŭvažyła Blizko.by.
Na čarciažach adznačana i dakładnaje miesca raźmiaščeńnia budučaj stancyi «praśpiekt Dziaržynskaha» čaćviortaj linii.
Miarkujučy pa płanie, jana budzie raźmieščana na vulicy Umanskaj nasuprać doma ŭ formie hrabionki: heta try karpusy doma №136 pa vulicy Čyhunačnaj, pastaŭlenyja ŭprytyk adzin da adnaho, ale ź nievialikim zrušeńniem.
Hetaja stancyja budzie pierasadačnaj sa stancyjaj «Michałova» pieršaj linii.
Čarciaža dakładnaha raźmiaščeńnia samoj stancyi pad ziamloj niama, ale vidać, što prynamsi pamiž uvachodami na stancyi «praśpiekt Dziaržynskaha» i «Michałova» adlehłaść składaje kala 250 mietraŭ. Heta značyć, što sam piešachodny pierachod pamiž dźviuma stancyjami składzie minimum takuju ž, ale chutčej za ŭsio bolšuju adlehłaść — da 300 mietraŭ ci jašče bolš.
Taki praciahły pierachod moža być niazručnym dla pasažyraŭ, bo patrabuje praciahłaj chadźby.
Pamiž centrami stancyj «Płošča Lenina» pieršaj linii i «Vakzalnaja» treciaj linii adlehłaść składaje 350 mietraŭ, pasažyram dapamahajuć pa čatyry stužki travałataraŭ pry ruchu ŭ kožnym kirunku.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary