Spravaj vydadzienaha Vjetnamam Biełarusi dobraachvotnika Vasila Vieramiejčyka zaniałosia Hałoŭnaje ŭpraŭleńnie raźviedki Minabarony Ukrainy, raspaviała jaho žonka Jaŭhienija.
Jaŭhienija ličyć, što dapamahčy ŭ hetaj situacyi na dadzieny momant moža tolki adna kraina.
Takoje mierkavańnie jana vykazała ŭ intervju LRT.
«Chutčej za ŭsio, adzinaja dziaržava, jakaja moža dapamahčy ciapier, heta Złučanyja Štaty Amieryki. Ščyra kažučy, nie vieru ni ŭ Jeŭropu, ni ŭ spakojnuju viečna AAN, jakaja zaŭsiody ŭsim tolki zaniepakojenaja. Navat nie chaču nakiroŭvać svaje resursy tudy.
Budziem dumać, jak možna budzie damaŭlacca, moža, z novaj administracyjaj Trampa. Moža, niejak vyjści na ich», — raspaviała Jaŭhienija.
Pavodle jaje słoŭ, cikavaść da vyratavańnia Vasila vykazała i Hałoŭnaje ŭpraŭleńnie raźviedki Minabarony Ukrainy.
«Viedaju, što HUR uziaŭsia za hetuju spravu. Viedaju heta ad jaho pabracimaŭ, jakija ŭ Kijevie znachodziacca. Viedaju, što HUR źviazvaŭsia z baćkami Vasi, jakija znachodziacca ŭ Centralnaj Azii. Sprabujuć razabracca, zrazumieć, jak jany mohuć dapamahčy ŭ hetaj situacyi», — patłumačyła Jaŭhienija.
Byłoha kalinoŭca zatrymali ŭ Vjetnamie 13 listapada, a vydali Biełarusi 14-ha.
34-hadovy Vieramiejčyk skončyŭ Vajskovuju akademiju Biełarusi i słužyŭ u Piečach. Sa słužby jon zvolniŭsia ŭ 2016 hodzie, paśla čaho pracavaŭ u IT.
U 2020 hodzie jon padtrymaŭ ruch za svabodnyja vybary, udzielničaŭ u mitynhach i maršach. U listapadzie 2020 hoda jaho zatrymali pa padazreńni ŭ padpałach aŭtamabilaŭ supracoŭnikaŭ prakuratury — jakaja ŭžo tady stała adnym z hałoŭnych arhanizataraŭ masavych represij. Ale paśla 10 sutak aryštu jon vyjšaŭ na volu: dokazaŭ nie znajšli.
Napačatku 2021 hoda praz pahrozu paŭtornaha aryštu emihravaŭ va Ukrainu i žyŭ ź siamjoj u Lvovie.
Paśla napadu Rasii na Ukrainie jon adrazu, u lutym 2022 hoda, dałučyŭsia da biełaruskaha bataljona imia Kastusia Kalinoŭskaha. Słužyŭ u im namieśnikam kamandzira bataljona «Vołat» i byŭ uznaharodžany miedalom «Ukraina pierš za ŭsio».
Viadomy pad pazyŭnym «Pacuk», jon udzielničaŭ u bajach u Chiersonskaj, Mikałajeŭskaj i Łuhanskaj abłaściach.
Na padtrymku Vasila Vieramiejčyka mieniej čym za sutki sabrali pałovu sumy
Žonka Vieramiejčyka: Paśpieŭ napisać dačce adno słova — departacyja
Departamient dziaržbiaśpieki Litvy: Znachodžańnie Vieramiejčyka na terytoryi krainy ŭjaŭlała pahrozu nacyjanalnaj biaśpiecy
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie
Były aficer, vyžyŭ u strašnym bai. Chto toj kalinoviec Vieramiejčyk, jakoha Vjetnam addaŭ biełaruskamu KDB?
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»28
Kamientary