Źniali z pasady kamandujučaha rasijskaj hrupy vojskaŭ «Poŭdzień». Kažuć, što brachaŭ načalstvu pra pośpiechi
Kamandujučy rasijskaj hrupy vojskaŭ «Poŭdzień» hienierał-pałkoŭnik Hienadź Anaškin źniaty z pasady, paviedamiła vydańnie RBK krynica, znajomaja z kadravymi pierastanoŭkami.
Infarmacyju RBK paćvierdziła krynica ŭ Minabarony Rasii, paviedamiŭšy, što heta, maŭlaŭ, płanavaja ratacyja. Ale jašče da hetaha pra adstaŭku hienierała paviedamili Z-vajenkary, i ichniaja viersija jaje pryčyn zusim inšaja.
Tak, blizki da Minabarony Rasii telehram-kanał «Rybaŕ» śćviardžaje, što Anaškina źniali z-za prablem na Sievierskim kirunku frontu (Danbas) i nieapraŭdanyja straty. Inšyja vajenkary trymajucca padobnaj dumki.
«Pryčyna nazyvajecca ŭsio taja ž — situacyja na Sievierskim kirunku: uviadzieńnie ŭ zman vyšejstajačaha kamandavańnia, utojvańnie realnaj abstanoŭki, pakolki padraździaleńni HV «Poŭdzień» taksama vajujuć i pad Sievierskam», — paviedamlaje tielehram-kanał «Vojennyj informator».
Pavodle jaho danych, kamandziry na hetym kirunku chavali realnyja straty i dakładvali niasłušnuju infarmacyju pra stanovišča na froncie.
«Zusim niadaŭna z-pad Sievierska spačatku stali prychodzić chłuślivyja paviedamleńni pra nibyta hłybokija paśpiachovyja praryvy, a paśla pačalisia niepadrychtavanyja ataki kałonami na pazicyi praciŭnika, jakija pryviali da ciažkich strat i minimalnych vynikaŭ», — udakładniŭ «Vojennyj informator».
Hienadź Anaškin siarod inšaha maje zvańnie Hieroja Rasii za kamandavańnie rasijskimi padraździaleńniami padčas napadu na Hruziju ŭ 2008 hodzie. Da viasny 2024 hoda jon byŭ kamandujučym 8-j hvardziejskaj ahulnavajskovaj armijaj, u mai hetaha hoda jon byŭ pryznačany časovym vykanaŭcam abaviazkaŭ kamandujučaha vojskami Paŭdniovaj vajskovaj akruhi.
Kiepski mir ci zaciažnaja vajna. Jak Ukraina rychtujecca da taho, što Tramp pasprabuje adrazu pasadzić jaje za stoł pieramovaŭ
Piaskoŭ pra płan Erdahana: Varyjant zamarozki pa linii frontu apryjory nieprymalny dla Rasii
Z-błohier «Trynaccaty», jaki krytykavaŭ Minabarony i Kreml, zamiest suda pajedzie na vajnu
Ci sapraŭdy «pasypaŭsia» ŭkrainski front na Danbasie?
«Miakka kažučy, nijakaj kapitulacyjaj nie pachnie». Z-vajenkar zaściaroh rasijan ad vajennaj ejfaryi
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ13
Kamientary