Va Ukrainie paśpiachova vyprabavanaja novaja rakieta «Ruta», paviedamiŭ Uładzimir Zialenski ŭ Kijevie na cyrymonii ŭručeńni Nacyjanalnaj premii Ukrainy imia Barysa Patona.
Prezident Ukrainy nie pryvioŭ nijakich padrabiaznaściaŭ nakont techničnych charaktarystyk rakiety.
Vizualna rakieta «Ruta» nahadvaje «Tamahaŭk». Admietnyja pieravahi rakiety: spałučeńnie nizkaha koštu, pamieru karysnaj nahruzki i chutkaści, što robić jaje idealnaj dla vykanańnia mnostva misij.
Jak piša «Ukrainskaja praŭda», Zialenski taksama paviedamiŭ, što novaja dalnabojnaja rakieta-dron «Palanica», upieršyniu ŭžytaja ŭ bajavych umovach u žniŭni 2024 hoda, pastupiła ŭ sieryjnuju vytvorčaść.
Raniej paviedamlałasia pra rakietu-dron «Piekła». Pavodle Zialenskaha, dniami ŭkrainskim siłam abarony była pieradadzienaja pieršaja partyja.
«Žudasnaj realnaściu dla akupantaŭ» nazvaŭ Zialenski dalnabojnuju rakietu «Niaptun», pastupleńnie jakoj u vojski čakajecca ŭ chutkim časie.
U vajnie suprać Rasii, sa słoŭ prezidenta Ukrainy, «aktyŭna vykarystoŭvajucca» drony roznaha pryznačeńnia, raspracavanyja i vyrablenyja va Ukrainie. Jany ŭžyvajucca jak na froncie, tak i «ŭ varožym tyle», adznačyŭ Zialenski.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary
Čamu zakapali vytvorčaść hatovaha ŭkrainskaha supiertanka "Opłot"?
Čamu metanakiravana dzień za dniom i hod za hodam zakopvali ŭvieś vajenna-pramysłovy kompleks Ukrainy?
Chto musiŭ pra heta zadumacca?
Zdajecca pytańniaŭ šmat, a adkaz adzin.
Moža prylot "Oriešnika" mienavita na "Južmaš" padkaža adkaz. Jak i papiarednija rehularnyja bambardavańni "Južmaša".