Błohier zvaryŭ klanovy sirop pa-biełarusku i padzialiŭsia receptam
Na našym ściahu niama klanovaha lista, dy i bliny my čaściej za ŭsio jamo z vareńniem abo zhuščonkaj. Klony, tym nie mienš, u Biełarusi jość, a značyć, i toj samy sirop zvaryć ź ich soku možna. Na svaim vopycie heta dakazaŭ Siarhiej. Klanovy sok jon zdabyvaje z samaha dziacinstva, užo 25 hadoŭ, a voś sirop varyć pačaŭ niadaŭna. Atrymałasia smačna ź pieršaha razu, piša «Anłajnier».
«Źbirać klanovy sok mianie jašče ŭ dziacinstvie navučyła babula. Jon vielmi adroźnivajecca ad biarozavaha pa smaku — značna saładziejšy z-za pryrodnych sacharozaŭ u klonie.
Kab zrabić adzin litr siropu, spatrebicca 45 litraŭ soku. Ničoha dadavać nie treba: prosta vyparvajuć lišniuju vadu da patrebnaj kansistencyi.
Smak atrymlivajecca karamielny-pryjemny i naturalny.
Važna jašče nie pierakipiacić: adnojčy ŭ mianie sirop pačaŭ cukrycca, jak miod: heta ŭžo pierabor».
Z kanadskich klonaŭ, jak kaža Siarhiej, sirop atrymlivajecca huściejšy. Ale čysta pa smaku biełaruski im ničym nie sastupaje.
Mužčyna varyć sirop dla siabie. Pra mahčymaść zrabić z hetaha maleńki biznes zadumvaŭsia, ale zrazumieŭ, što heta praktyčna nierealna.
«Patrebnyja vielmi vialikija abjomy. Jak heta adbyvajecca ŭ Kanadzie: biaruć klanovy haj i złučajuć drevy pavucińniem z trubak, adkul užo sok traplaje ŭ šmattonnyja schoviščy i paśla kipiacicca. U takich abjomach heta moža stać biznesam. Na amatarskim uzroŭni heta davoli pracajomki i doŭhi praces».
Taksama nie varta zabyvać, što dla źbirańnia klanovaha soku patrabujecca śpiecyjalny dazvoł. U Siarhieja taki jość. Mužčyna kaža, što atrymać jaho nie tak užo i składana, ale jość niuansy:
«Reč u tym, što paśla atrymańnia dazvołu čałavieku čaściej za ŭsio vydajuć učastak z klonami, jaki i tak chutka budzie vysiečany dla budaŭnictva darohi i lesanarychtoŭki. I nichto nie moža viedać, dzie mienavita budzie raźmieščany hety ŭčastak: kamuści ŭ vyniku prosta niazručna rehularna jeździć za ŭmoŭny MKAD i zajmacca tam źbirańniem soku. Mnie pašancavała: ja źbiraju sok z klonaŭ u majoj vioscy-z tych ža, što byli ŭ dziacinstvie».
Ciapier čytajuć
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?5
Kamientary